English | عربی | Kurdî دواهەواڵ
ڕاستەوخۆ  
 
سەركردەكانی حەشدی شەعبی دژی عەبادی دەوەستنەوە
2018-09-01 [05:23 AM]

هه‌ولێر - ZNA


سەركردەكانی حەشدی شەعبی دژی بڕیارەكەی عەبادی، لەبارەی دوورخستنەوەی فالح فەیاز، دەوەستنەوەو ھۆشداری لە تێكەڵكردنی ناكۆكییە سیاسییەكان دەدەن.

لە بەیاننامەیەكی ھاوبەشەدا، سەركردەكانی حەشدی شەعبی، رەخنەی توندییان لە بڕیارەكەی حەیدەر عەبادی، سەرۆك وەزیرانی عێراق گرت، لەبارەی دوورخستنەوەی فالح فەیاز، لە پۆستەكانی و ھۆشداریاندا لە بەردەوامی تێكەڵكردنی حەشد لە ناكۆكییە سیاسییەكان.

رۆژی پێنجشەممە 30/8/2018، بە بڕیاری عەبادی، فالح فه‌یاز لە ھەرسێ پۆستی راوێژكاری ئاسایشی نیشتمانی عێراق، سه‌رۆكی ده‌سته‌ی حه‌شدی شه‌عبی و ده‌زگای ئه‌منی نیشتمانی دوورخرایەوه‌.

به‌ گوێره‌ی راپۆرته‌ میدیاییه‌كان، پێشتر فالح فه‌یاز، كه‌ سه‌رۆكی كوتله‌ی عه‌تا بووه‌ بۆ هه‌ڵبژاردن و له‌ چوارچێوه‌ی هاوپه‌یمانی نه‌سری عه‌بادی بووه‌، چه‌ند جارێك هۆشداری داوه‌ته‌ عه‌بادی و پێی راگه‌یاندووه‌، كه‌ ده‌بێت ئاگاداری میكانیزمه‌كانی بڕیاردان بێت له‌ ناو هاوپه‌یمانێتییه‌كه‌ و به‌بێ گه‌ڕانه‌وه‌ بۆ هاوپه‌یمانه‌كانی گفتوگۆی پێكهێنانی كوتله‌ی گه‌وره‌ و حكوومه‌تی داهاتوو نه‌كات. هه‌ندێك له‌ سه‌رچاوه‌ عێراقییه‌كانیش باسیان له‌وه‌ كردووه‌، فالح زیاتر زیاتر له‌ نووری مالیكی، سه‌رۆكی ده‌وڵه‌تی یاسا نزیكتره‌ وه‌ك له‌ عه‌بادی و چه‌ند جارێكیش له‌ راگه‌یه‌ندراوه‌كانی كوتله‌ی عه‌تا، به‌ ناڕاسته‌وخۆ ئاماژه‌ی پێكردووه‌.





ئەم هەواڵە 5152جار خوێندراوەتەوە
 
 
ڤیدیۆ گەلەری
چەند دیمەنێک لە لافاوەکە فەرەنسا
ڤیدیۆیی .. شەقامی خۆت و چانسی خۆت
ڤیدیۆیی .. ساتی کوشتنی تارا فارس
ھەڵۆیەک ھەوڵی رفاندنی منداڵێک دەدات
چەند دیمەنێکی سامناکی زریان و گەردەلوولەکەی ئەمریکا
 
 

پێناسە | گەلەری | ئەرشیف | پەیوەندی

پێبژاردنی پۆلیسی هاتووچۆ هەولێر | دهۆک | سلێمانی

هەموو مافەکان پارێزراون بۆ ئاژانسی هەواڵی زاگرۆس

Developed By: Omed Sherzad