English | عربی | Kurdî دواهەواڵ
ڕاستەوخۆ  
 
ڤيديۆ.. 12 كه‌س دەستدرێژی سێکسی ده‌كه‌نه‌ سه‌ر کچێکی 17 ساڵ
2018-09-01 [05:28 AM]

ZNA-هەولێر


هێزە ئەمنییەکانی مەغریب دەستگیرکردنی 12 کەسیان بە تۆمەتی دەستدرێژیکردنە سەر کچێکی 17 ساڵان راگەیاندووە، کچەکە دەڵێت بۆماوەی دوو مانگ بە گرووپ دەستدرێژی سێکسیان کردووەتە سەر.

بەگوێرەی هەواڵێکی رۆژنامەی گاردیان، کچەکە ناوی خەدیجەیە، لە مانگی رەمەزان سەردانی ماڵی خزمێکیان دەکات، دواتر لەلایەن چەند پیاوێک دەڕفێندرێت و لە شوێنێک زیندانی دەکرێت. کچە جیا لەوەی نانی زۆر کەم دراوەتێ، لەدوای دەستدرێژیکردنە سەری، بە جگەرە جەستەی سوتێندراوە و ئەشکەنجەی زۆر دراوە.

لە هەڤپەیڤینێکیدا لەگەڵ یەکێک لە کەناڵەکانی مەغریب خەدیجە دەڵێت:" ئەوە سامناک بوو، ئەوان بۆ نزیکەی دوو مانگ منیان زیندانیکرد. دەستدرێژی سێکسیان دەکردە سەرم و ئەشکەنجەیان دەدام، هەرگیز لە بیریان ناکەم، ئەوان منیان تێکشکاند".

خەدیجە سەرەتا لەلایەن دوو پیاوەوە رفێندراوە، بەڵام دواتر بە خەڵکی تر لە بری پارە و ماددەی هۆشبەر فرۆشراوە. چەند جارێکیش هەوڵی راکردنی داوە، بەڵام گیراوە و ئازاردراوە.

 ئەم هەواڵە کاردانەوەی زۆری لە مەغریب بەدوای خۆیدا هێناوە و تووڕەیی و نیگەرانی خەڵک تۆڕە کۆمەڵایەتییەکانی تەنیووە، تاکو ئێستا 71 هەزار کەس لە مەغریب واژۆیان کۆکردۆتەوە بۆ پشتگیریکردن لە سزادانی ئەو تۆمەتبارانە. بەتایبەتیش بەرگریکاران لە مافەکانی ئافرەتان بە تووندی دژی ئەمە وەستاونەتەوە. 





ئەم هەواڵە 5230جار خوێندراوەتەوە
 
 
ڤیدیۆ گەلەری
چەند دیمەنێک لە لافاوەکە فەرەنسا
ڤیدیۆیی .. شەقامی خۆت و چانسی خۆت
ڤیدیۆیی .. ساتی کوشتنی تارا فارس
ھەڵۆیەک ھەوڵی رفاندنی منداڵێک دەدات
چەند دیمەنێکی سامناکی زریان و گەردەلوولەکەی ئەمریکا
 
 

پێناسە | گەلەری | ئەرشیف | پەیوەندی

پێبژاردنی پۆلیسی هاتووچۆ هەولێر | دهۆک | سلێمانی

هەموو مافەکان پارێزراون بۆ ئاژانسی هەواڵی زاگرۆس

Developed By: Omed Sherzad