English | عربی | Kurdî دواهەواڵ
ڕاستەوخۆ  
 
ئیسرائیل چالاكییه‌ سه‌ربازییه‌كانی ئێران كه‌مده‌كاته‌وه‌
2018-09-01 [06:40 AM]

ZNA- هه‌ولێر


ئه‌ڤیگدۆر لیبه‌رمان، وه‌زیری به‌رگری ئیسرائیل رایگه‌یاند: "ئێران چالاكییه‌ سه‌ربازییه‌كان و بوونی خۆی له‌ سووریا كه‌مكردووه‌ته‌وه‌، ئه‌وه‌ش به‌هۆی ئه‌و فشاره‌ "نێوده‌وڵه‌تیانه‌وه‌ بووه‌ كه‌ ته‌لئه‌بيب هه‌وڵی بۆداوه‌".

وه‌زیری به‌رگری ئیسرائیل به‌ رۆژنامه‌ی " Yedioth Ahronoth"ـی گوتووه‌: "پێموایه‌ ئه‌و پاشه‌كشه‌ سه‌ربازییه‌ی ئێران له‌ سووریا، به‌هۆی ئه‌و فشاره‌ نێوده‌وڵه‌تیانه‌وه‌یه‌ كه‌ رووبه‌ڕووی تاران بووه‌نه‌ته‌وه‌ و ئه‌وه‌ش به‌هۆی هه‌وڵه‌كانی ئیسرائیل بووه‌ كه‌ رۆژانه‌ كاری بۆ رێگریكردن له‌ چالاكییه‌كانی ئێران له‌و وڵاته‌ كردووه‌".

هه‌روه‌ها گوتوویه‌تی: "ئیسرائیل سه‌دان ئامانجی له‌ناو سووریا پێكاوه‌ بۆ ئه‌وه‌ی رێگه‌ له‌ گواستنه‌وه‌ی چه‌كی پێشكه‌وتوو بگرێت بۆ حزبوڵلای لوبنان، هاوشانی ئه‌وه‌ش هه‌ڵمه‌تێكی فراوانی دیپلۆماسی بۆ فشارخستنه‌ سه‌ر ویلایه‌ته‌ یه‌كگرتووه‌كانی ئه‌مه‌ریكا و رووسیا ده‌ستپێكرد تا ئێران بخرێته‌ ده‌ره‌وه‌ی سووریا".

لیبه‌رمان گوتوویه‌تی: "ئێران پلانی درووستكردنی كارگه‌ی به‌رهه‌مهێنانی مووشه‌كی له‌ سووریا راگرتووه‌، به‌ڵام هێشتا به‌ته‌واوه‌تی ده‌ستبه‌رداری بیرۆكه‌ی درووستكردنی به‌نده‌ر و فڕۆكه‌خانه‌ نه‌بووه‌ له‌ سووریا و له‌گه‌ڵ حكوومه‌تی سووریاش سه‌رقاڵی درووستكردنی پێگه‌یه‌ له‌ به‌ره‌كانی پێشه‌وه‌".

وه‌زیری به‌رگری ئیسرائیل ئاماژه‌ی به‌ رۆڵی گرنگی كشانه‌وه‌ی ئه‌مه‌ریكا له‌ رێككه‌وتننامه‌ی ئه‌تۆمی له‌گه‌ڵ ئێران كردووه‌و گوتوویه‌تی: "بووه‌ به‌ فشاریكی ئابووری مه‌ترسیدار له‌سه‌ر ئێران، بوودجه‌ی هێزه‌كانی له‌ رۆژهه‌ڵاتی ناوه‌ڕاست كه‌ به‌ دوو ملیار دۆلار ده‌خه‌مڵێنراو ناردنی پاره‌ بۆ سووریا و حزبوڵلا ئێستا كه‌مبووه‌ته‌وه".

 هه‌روه‌ها گوتوویه‌تی: "قۆناخی دووه‌می سزاكانی سه‌ر ئێران له‌ مانگی نۆڤه‌مبه‌ری داهاتوو جێبه‌جێ بكرێت، چالاكییه‌كانی ئێران له‌ سووریا كه‌متریش ده‌بنه‌وه‌‌ و هێزه‌كانی حزبوڵڵا كه‌ ئێران پاڵپشتیان ده‌كه‌ن، ناتوانن به‌و شێوه‌یه‌ی ئێستا بمێننه‌وه‌".





ئەم هەواڵە 5848جار خوێندراوەتەوە
 
 
ڤیدیۆ گەلەری
فرۆکەوانێک بەم شێوەیە رێز لە مامۆستاکەی دەگرێت
کچێک بە موعجیزە رزگاری دەبێت
لە عێراق بەم شێوەیە ئاوی باران لادەدەن ، بە دڵنیایی دوو جار سەیری دەکەیەوە
چەند دیمەنێک لە لافاوەکە فەرەنسا
ڤیدیۆیی .. شەقامی خۆت و چانسی خۆت
 
 

پێناسە | گەلەری | ئەرشیف | پەیوەندی

پێبژاردنی پۆلیسی هاتووچۆ هەولێر | دهۆک | سلێمانی

هەموو مافەکان پارێزراون بۆ ئاژانسی هەواڵی زاگرۆس

Developed By: Omed Sherzad