English | عربی | Kurdî دواهەواڵ
ڕاستەوخۆ  
 
موقته‌دا سه‌در له‌ وه‌ڵامی قاسم سلێمانی ده‌ڵێت تائیفه‌گه‌ریی چیتر له‌ عێڕاق جێگه‌ی نابێته‌وه‌
2018-09-02 [07:53 AM]

ZNA- هه‌ولێر


دوای سه‌ردانه‌كه‌ی قاسم سلێمانی بۆ عێڕاق و هه‌وڵدانی ناوبراو بۆ هاندانی ئه‌و حزبه‌ شیعییانه‌ی عێڕاق كه‌ سه‌ر به‌ ئێرانن، بۆ ئه‌وه‌ی فڕاكسیۆنێكی تائیفی به‌هێز و گه‌وره‌ پێكبهێنن به‌ مه‌به‌ستی پێكهێنانی كابینه‌ی نوێی حكومه‌تی عێڕاق، له‌ وه‌ڵامدا موقته‌دا سه‌در هه‌ڵوێستی بۆ ئه‌مكاره‌ی سلێمانی هه‌بووه‌ و له‌مباره‌یه‌وه‌ وتوویه‌تیی چیتر تائیفه‌گه‌ریی له‌ عێراق جێگه‌ی نابێته‌وه‌.

رێبه‌ری ره‌وتی سه‌در له‌مباره‌یه‌وه‌ وتی: عێڕاق هیچیتر راچێته‌ی خه‌ڵكی دیكه‌ بۆ كاروباری سیاسیی خۆی قبوڵ ناكات و ناگه‌ڕێته‌وه‌ سه‌رده‌می كوتله‌گه‌ریی له‌سه‌ر بنه‌مای تائیفیی.

به‌ وته‌ی زۆرێك له‌ لایه‌نه‌ عێڕاقییه‌كان واتای كوتله‌گه‌رایان و لایه‌نگه‌رانی تائیفه‌گه‌ریی له‌ لێدوانه‌كانی موقته‌دا سه‌در حزبه‌كانی سه‌ر به‌ ئێرانن كه‌ به‌ بڵاوكردنه‌وه‌ی نه‌ریت و بیرۆكه‌ی تائیفه‌گه‌ری ئایینیی و توندوتیژیی بوونه‌ته‌ هۆی ئاژاوه‌ و دووبه‌ره‌كیی له‌ناو هاوڵاتییانی عێڕاقدا.

رێیه‌ری ره‌وتی سه‌در كه‌ له‌ ئێستادا رێبه‌ری كوتله‌ی سائیرونیشه‌، رایگه‌یاند ئیتر ناگه‌ڕێینه‌وه‌ ئه‌و بارودۆخه‌ی كه‌ پێیدا تێپه‌ڕیوین و به‌تایبه‌تیش تائیفه‌گه‌ریی و پشكبه‌ندیی سیاسیی، له‌مه‌ودواش رێبازی ئێمه‌ دوور ده‌بێت له‌ هه‌موو ئه‌مانه‌.

له‌ درێژه‌دا سه‌در ده‌ڵێت: ئه‌گه‌ر حكومتی نوێ له‌سه‌ر بنه‌مای تائیفه‌گه‌ریی پێكبهێنرێت رێبازه‌كه‌م ده‌گۆڕم بۆ هاوپه‌یمانییه‌كی دژ، چونكه‌ ئێمه‌ خوازیاری عێڕاقێكی سه‌ربه‌خۆ و خاوه‌ن سه‌روه‌ریین كه‌ خزمه‌تی هاوڵاتییانی ئه‌م وڵاته‌ بكات.

سه‌رچاوه‌ / عه‌ره‌بییه‌





ئەم هەواڵە 7780جار خوێندراوەتەوە
 
 
ڤیدیۆ گەلەری
چەند دیمەنێک لە لافاوەکە فەرەنسا
ڤیدیۆیی .. شەقامی خۆت و چانسی خۆت
ڤیدیۆیی .. ساتی کوشتنی تارا فارس
ھەڵۆیەک ھەوڵی رفاندنی منداڵێک دەدات
چەند دیمەنێکی سامناکی زریان و گەردەلوولەکەی ئەمریکا
 
 

پێناسە | گەلەری | ئەرشیف | پەیوەندی

پێبژاردنی پۆلیسی هاتووچۆ هەولێر | دهۆک | سلێمانی

هەموو مافەکان پارێزراون بۆ ئاژانسی هەواڵی زاگرۆس

Developed By: Omed Sherzad