English | عربی | Kurdî دواهەواڵ
ڕاستەوخۆ  
 
لە بارەی ئالای کوردستان و ریفراندۆمەوە وەلامێک بۆ وەزیری دەرەوەی ئیران
2018-09-03 [06:13 AM]

ZNA-هەولێر


هێمن هەورامی ئەندامی سەرکردایەتیی پارتی و سەرۆکی لیستی پارتی بۆ هەڵبژاردنی پەرلەمانی کوردستان وەڵامی گوتارێکی محەمەد جەواد زەریفی وەزیری دەرەوەی ئێران دەداتەوە کە لە ئەمڕۆ لە پەرلەمانی ئێران لەبارەی سەردانەنەواندنی بۆ ئاڵای کوردستان لە مەراسیمی هێنانەوەی تەرمی مام جەلال تاڵەبانی و بابەتی ڕیفراندۆمی سەربەخۆیی کوردستانەوە کردنی.

 

هەورامی لە لاپەڕەی تایبەتی خۆی لە تۆڕی کۆمەڵایەتی فەیسبووک گوتارێکی بەناونیشانی(لە بارەی ئاڵای کوردستان و ڕیفراندۆمەوە وەڵامێک بۆ وەزیری دەرەوەی ئێران) بڵاوکردووەوە سەڕەڕای چەند ڕوونکردنەوەیەک دەشڵێت" لەو باوەڕە نەبووین گوێبیستی ئەو جۆرە لێدوان و دەربرینانە بین.

 

ئەمەی خوارەە دەقی گوتارەکەی هێمن هەورامییە:-

 

لە بارەی ئالای کوردستان و ریفراندۆمەوە
وەلامێک بۆ وەزیری دەرەوەی ئیران

هیمن هەورامی 
رۆژی ٢ ی ٩ی ٢٠١٨ و لەبەردەم پەرلەمانی ولاتەکەی ، وەزیری دەرەوەی ئیران ، محمد جەواد زەریف ، لە بارەی ئالاێ کوردستانەوە ، چەند بابەتیکی تیکەلکرد . زۆرجار خەلکی ناشارەزا و بەرچاو تەسک و کینە لە دل ، لیدوان و دەربرینی بێ سەروبەر دەدەن و کەس لێیان ناگرێت. 
بەلام ئەوەی مایەی تێڕامان و سەرسوڕمانە و باوەڕمان نەدەکرد ، وەزیری دەرەوەی ئێران ، کە بە کەسێکی دیپلۆمات و ئەکادیمی و بەڕێز ناسراوە، ئەو جۆرە لێدوان و قسانەی لێ ببیستین. 
دانانی ئالای کوردستان بۆ هەر کورد و کوردستانییەک ، جێگای سەربەرزی و شانازیەکی زۆرە. لە بارەی ئەوەی سەری بۆ ئالای کوردستان دانەنەواندووە لە مەراسیمی هێنانەوەی تەرمی خوالێخۆشبوو مام جەلال ، پێش هەموو شتیک دەبووا وەزیری دەرەوەی ئیران بیزانیبا، هەموو وردەکاریەکانی مەراسیمی هێنانەوەی تەرمی مام جەلال ، بنەمالەکەی لێی بەرپرس و ئاگادار بوون نەک سەرۆک بارزانی. 
لە بارەی ریفراندۆمەوە، ئەوە مافێکی سروشتی هەموو گەلێکە لە چوارچێوەی بریاردان لە مافی چارەنووس بە شێوەیەکی ئاشتیانەو دیموکراسیانەو کارێکی دروست و رەوای گەلی کوردستان بووە. ئەگەر هەڵە بوایە ، گەلی کوردستان بە ٩٣% دەنگی بە بەلێ بۆ سەربەخۆیی نەدەدا. ئەوەی هەڵە بوو ، دژایەتی ئەو پرۆسە ئاشتیخواز و دیموکراسیانەی گەلی کوردستان بوو. 
هەرچۆنێک بیت ، ساڵێک بەسەر ریفراندۆمدا تێپەڕیوەو پێمان سەیرە لەم کاتەدا ، وەزیری دەرەوەی ئیران بە بیری دێتەوە. وروژاندنی ئەم بابەتە لەم کاتەدا و بەم شیوەیە و دەربرینی هەلویستی نارەوای وەها بەرامبەر بە خەلکی کوردستان، بە دلنیایەوە کێشە ناوخۆییەکانی ئیران چارەسەر ناکات و لەو باوەڕە نەبووین گوێبیستی ئەو جۆرە لێدوان و دەربرینانە بین لە بەڕێزیان.





ئەم هەواڵە 5113جار خوێندراوەتەوە
 
 
ڤیدیۆ گەلەری
چەند دیمەنێک لە لافاوەکە فەرەنسا
ڤیدیۆیی .. شەقامی خۆت و چانسی خۆت
ڤیدیۆیی .. ساتی کوشتنی تارا فارس
ھەڵۆیەک ھەوڵی رفاندنی منداڵێک دەدات
چەند دیمەنێکی سامناکی زریان و گەردەلوولەکەی ئەمریکا
 
 

پێناسە | گەلەری | ئەرشیف | پەیوەندی

پێبژاردنی پۆلیسی هاتووچۆ هەولێر | دهۆک | سلێمانی

هەموو مافەکان پارێزراون بۆ ئاژانسی هەواڵی زاگرۆس

Developed By: Omed Sherzad