English | عربی | Kurdî دواهەواڵ
ڕاستەوخۆ  
 
ئەگەر وه‌به‌رهێنه‌ران دەست بەکارنەبنەوە له‌ پڕۆژه‌كانیان ئه‌وا مۆڵەتەکانیان هەڵدەوەشێندرێتەوە
2018-09-04 [05:52 AM]

ZNA – هه‌ولێر


له‌لایه‌ن دەستەى وەبەرهێنان و شارەوانیەکان، هۆشدارى ده‌درێته‌ خاوەن پڕۆژەکان و وەبەرهێنەران،  ئەگەر دەست بەکارنەبنەوە له‌ پڕۆژه‌كانیان ئه‌وا مۆڵەتەکانیان هەڵدەوەشێندرێتەوە و زەویەکانیشیان لێ وەردەىگیرێتەوە.

بەرێوەبەری گشتی وەبەرهێنانی هەولێر سامان عارەب، بە باسى راگەیاند: ئەو پڕۆژانەى وەبەرهێنان  کەتاوه‌كو ئێستا به‌هۆی قه‌یرانی دارایی و شەڕى داعش وەستابوون دەبێت دەست بەکار بکەنەوە، بەشێكی زۆرى پڕۆژەکان دەست بەکاربوونیان بۆ نوسراوە و دەست بەکاربونەتەوە، بەشێکیش لە پڕۆژەکان دەست بەکار نەبونەتەوە، ئەگەر لە ماوەى دوو هەفتە لە ئاگادارکردنەوەیان دەست بەکار نەبنەوە ئەوە مۆڵەتەکانیان هەڵدەوەشێندرێتەوە".

 ئه‌و گوتیشى:"ئەوەى لە لاى ئێمە مۆڵەتەکەى هەڵوەشێتەوە ئەوە دەخرێتە لیستى رەشى وەزارەتى پلاندانان و تا چەند ساڵێک هیچ پڕۆژەیەکى پێ نادرێت".

عارەب گوتیشى:" هۆکارى ئەو بڕیارە بۆ ئەوەیە داعش نەماوە و دۆخى دارایى باشتر بووە و چەندین وەبەرهێنەر هاتوون داواى پڕۆژە دەکەن، بۆیە دەبێت پڕۆژە وستاوەکان دەست پێ بکەنەوە، چونکە ناکرێت پرۆژە هەبێت 4 ساڵ بێت مۆڵەتى وەبەرهێنانى وەرگرتبێت و کاریش نەکات".

به‌رپرسه‌كه‌ی وه‌به‌رهێنان دووپاتى کردەوە،  داواکاریەکى زۆریان پێشکەشکراوە بۆ ئەوەى مۆڵەت بە پڕۆژەى تازە بدرێت، دەشڵێت:" مۆڵەتى چەندین پڕۆژەمان داوە کە لە ماوەیە دەست بەکار دەبن و چەندین پڕۆژەى تریش داواکاریان پێشکەش کردووە".

ئەو بریاره‌ی حکوومەت پڕۆژەکانى بەڵێندەرایەتى ناگرێتەوە کە ئێستا زیاتر لە 3 هەزار پڕۆژەیان وەستاون.

 

 





ئەم هەواڵە 3604جار خوێندراوەتەوە
 
 
ڤیدیۆ گەلەری
چەند دیمەنێک لە لافاوەکە فەرەنسا
ڤیدیۆیی .. شەقامی خۆت و چانسی خۆت
ڤیدیۆیی .. ساتی کوشتنی تارا فارس
ھەڵۆیەک ھەوڵی رفاندنی منداڵێک دەدات
چەند دیمەنێکی سامناکی زریان و گەردەلوولەکەی ئەمریکا
 
 

پێناسە | گەلەری | ئەرشیف | پەیوەندی

پێبژاردنی پۆلیسی هاتووچۆ هەولێر | دهۆک | سلێمانی

هەموو مافەکان پارێزراون بۆ ئاژانسی هەواڵی زاگرۆس

Developed By: Omed Sherzad