English | عربی | Kurdî دواهەواڵ
ڕاستەوخۆ  
 
هاولاتیه‌ك له‌به‌رده‌م شاره‌وانی تاران خۆی سووتاند
2018-09-04 [07:16 AM]

ZNA-هه‌ولێر


پیاوێکی ئێرانی لە بەردەم شارەوانی شاری تاران ئاگری لە خۆی بەردا و بەشێکی زۆری جەستەی سووتا.

ئاژانسەکانی ھەواڵی ئێران رایانگەیاندووە: "ئەو پیاوە دژی شارەوانی ناڕەزایەتی دەربریووە و ئەو بارودۆخەی ئابووری وڵاتی تێکەوتووە بووەتە ھۆی درووستبوونی فشارێکی زۆر لەسەری و شارەوانیش داوای باجێکی زۆریان لەو ھاووڵاتییە کردووە".

بەگوێرەی زانیارییەکان ئەو پیاوەی خۆی سووتاندووە تەمەنی ٤٥ ساڵانە و سەرلەبەیانی ئەمڕۆ سێشەممە لەبەردەم شارەوانی تاران خۆی سووتاندووە، بەڵام پاسەوانەکانی باڵەخانەی شارەوانی نەیانھێشتووە بەتەواوەتی بسوتێ و ئاگرەکەیان کوژاندووەتەوەو بەقوڵی زۆربەی بەشەکانی جەستەشی سووتاوە.

سەرچاوە ئاگادارەکان دەڵێن: "ئەو پیاوە خاوەن دووکانە و شارەوانی داوای لێکردووە بڕی ٤٠ ھەزار دۆلار باج بدات".

سەرچاوەیەکی دیکەش گوتوویەتی: "شارەوانی بەھۆی ئەوەی دووکانەکەی گۆڕیوە بۆ پیشەیەکی دیکە داوای باجی لێکردووە، بەڵام سەرەڕای ئەوەی شارەوانی باجێکی زۆر لە دووکاندارەکان وەردەگرێ، لەگەڵ ئەوەشدا مۆڵەتی کارە تازەکەیان ناداتێ".

 

دووكاندارێك له‌به‌رده‌م شاره‌وانی تاران خۆی سووتاند





ئەم هەواڵە 5947جار خوێندراوەتەوە
 
 
ڤیدیۆ گەلەری
بەدڵنایی دوو جار سەیری دەکەیەوە ، منداڵێکی زۆر قشە
چەند دیمەنێکی لافاوی شاری شیراز لە ئێران
لە رووداوێکی ھاتووچۆ ئۆتۆمبێلێک دەفڕێت
منداڵێک لە ناو ئۆتۆمبێلی دایکی دەکەوێتە خوارەوە
ڤیدیۆیی .... بە ئاگر و شمشێر قژی ئافرەتان رێکدەخات
 
 

پێناسە | گەلەری | ئەرشیف | پەیوەندی

پێبژاردنی پۆلیسی هاتووچۆ هەولێر | دهۆک | سلێمانی

هەموو مافەکان پارێزراون بۆ ئاژانسی هەواڵی زاگرۆس

Developed By: Omed Sherzad