English | عربی | Kurdî دواهەواڵ
ڕاستەوخۆ  
 
خۆپیشاندانەكانی شەوی رابردووی بەسڕە دەیان قوربانی لێكەوتەوە
سوتاندنى بينایەی پارێزگای بەسرە
2018-09-05 [05:09 AM]

​ZNA – هەولێر


شەوی رابردووی خۆپیشاندانەكانی بەسرە جارێكی تر سەری هەڵداوە و گرژی و ئاڵۆزیەكی توندی لێكەوتەوە، 6 كەس كوژران و دەیان كەسی دیكەش برینداربوون.

شەوی رابردوو خۆپیشاندانەكانی بەسرە گرژیی زیاتری تێكەوت و ژماره‌يه‌ك خۆپيشانده‌ر هه‌ڵيانكوتايه‌ سه‌ر بيناى پارێزگارى به‌سره‌ و ئاگريان تێبه‌ردا، دواتر فه‌رمانده‌ى ئۆپەراسيۆنه‌كانى پارێزگاى به‌سره‌، بڕيارى قه‌ده‌غه‌ى هاتووچۆى به‌سه‌ر شارى به‌سره‌دا سه‌پاند.

ھەواڵی ئاژانسی فرانس پرێس بڵاوی كردەوە، لە خۆپیشاندانەكانی بەسرەی باشووری عێراق، 6 كەس كوژران و 67 كەسی دیكەش لە خۆپیشاندەران و ھێزە ئەمنییەكان برینداربوون.

كوژرانی خۆپیشاندەرانی بەسرە موقتەدا سەدری تووڕەكرد و له‌ تویتێكدا له‌ تۆڕی كۆمه‌ڵایه‌تی تویته‌ر، رێبه‌ری ره‌وتی سه‌در تووڕه‌یی خۆی له‌ ره‌فتاره‌كانی هێزه‌ ئه‌منییه‌كان به‌رامبه‌ر خۆپیشانده‌رانی شاری به‌سره‌ نیشاندا.

له‌ تویته‌كه‌یدا سه‌در نوسیویەتی: "ئه‌وه‌ی له‌ به‌سره‌ رووده‌دات كاره‌ساته‌ و ئه‌وه‌ی زیاتر منی تووڕه‌ كردووه‌ ده‌ستدرێژییه‌كانی چه‌ند ئاژاوه‌گێڕێكی ناو هێزه‌ ئه‌منییه‌كانه‌ بۆ سه‌ر خۆپیشانده‌ره‌ سته‌ملێكراوه‌كان، كه‌ جگه‌ له‌ نوقڵێكی به‌كه‌رامه‌ت بۆ ژیانی خۆیان هیچی تریان داوا نه‌كردووه‌".

سه‌در جه‌ختیشیكرده‌وه‌: "پێویسته‌ هه‌موو هه‌وڵێك بدرێت بۆئه‌وه‌ی به‌سره‌ له‌ چنگی گه‌نده‌ڵی، تایفی و میلیشیاكان ده‌ربهێندرێت".

بەھۆی نەبوونی خزمەتگوزارییەكان و ئاوی پاكی خواردنەوە، ھەروەھا جێبەجێ نەكردنی بەڵێنەكانی حكومەت، ھەفتەیەكە دانیشتووانی بەسرە، بەچڕی دەستییان بە خۆپیشاندانەكان كردووەتەوە و دووجاریش ھەڵیانكوتاوەتە سەر باڵەخانەی پارێزگای شارەكە.

 





ئەم هەواڵە 10432جار خوێندراوەتەوە
 
 
ڤیدیۆ گەلەری
چەند دیمەنێکی لافاوی شاری شیراز لە ئێران
لە رووداوێکی ھاتووچۆ ئۆتۆمبێلێک دەفڕێت
منداڵێک لە ناو ئۆتۆمبێلی دایکی دەکەوێتە خوارەوە
ڤیدیۆیی .... بە ئاگر و شمشێر قژی ئافرەتان رێکدەخات
فرۆکەوانێک بەم شێوەیە رێز لە مامۆستاکەی دەگرێت
 
 

پێناسە | گەلەری | ئەرشیف | پەیوەندی

پێبژاردنی پۆلیسی هاتووچۆ هەولێر | دهۆک | سلێمانی

هەموو مافەکان پارێزراون بۆ ئاژانسی هەواڵی زاگرۆس

Developed By: Omed Sherzad