English | عربی | Kurdî دواهەواڵ
ڕاستەوخۆ  
 
حەشدی شەعبی ھەرەشە لە ھێزەکانی ئەمریکا دەکات
2018-09-05 [07:24 AM]

ZNA- ھەولێر


ژمارەیەک میلیشیای حەشدی شەعبی هەڕەشەنامەیەکی توند بۆ هێزەکانی ئەمریکا و هەموو هێزە بیانییەکان لە عێراق،دەنێرێت.

 

لە بەیاننامەیەکدا، کە میدیا عێراقییەکان بڵاویان کردووەتەوە، ئەو میلیشیایانە رایانگەیاندووە، کە ”داگیرکاریی ئینگڵۆ- ئەمریکی و سعودی - زایۆنی) هەوڵ دەدەن خۆیان بەسەر ئیرادەی عێراقییەکان بسەپێنن و حکوومەتێک دروست بکەن، کە بە فەرمانی سعودیە و ئەمریکا بجوڵێت.

 

لە بەشێکی دیکەی بەیاننامەکەدا، میلیشیاکانی حەشدی شەعبی بوونی هێزەکانی ئەمریکا و هێزە بیانییەکانی دیکە، کە بۆ هاوکاریی هێزە عێراقییەکان لە شەڕی دژی رێکخراوی تیرۆریستی داعش چوونەتە وڵاتەکە، بە ناشەرعی دادەنێن.

 

ئەو میلیشیایانە هەڕەشە لەو هێزە بیانییانە دەکەن، کە ئێستا لە عێراقن و دەڵێن، ئارامگرتنی حەشدی شەعبی سنووری خۆی هەیە و ئەگەر لەوە زیاتر بمێننەوە، ئەوا ”وەک هیزی داگیرکەر سەیریان دەکەین و مافی خۆمانە بە هەر جۆرێک بێ لە وڵاتەکەمان دەریان بکەین“.

 

لە بەیاننامەکەدا، حەشدی شەعبی هۆشداریی داوەتە حەیدەر عەبادیی سەرۆک وەزیرانی کاربەڕێکەری عێراق، لە ئەنجامدانی ”رێکاری نابەرپرسانە  و دەستبەسەرداگرتنی هەموو جومگەکانی دەوڵەت“ و رایگەیاندووە، حەشدی شەعبی بێ وەڵام نابێ.

 

ناوی ئەو میلیشیایانەی هەڕەشەنامەکەیان واژۆۆ کردووە:

 

- رێکخراوی بەدر

- بزووتنەوەی جیهاد و بینا

- عەسایب ئەهلولحەق

- کەتیبەکانی سەیدولشوهەدا

- بزووتنەوەی جوندولئیمام

 

- بزووتنەوەی ئەنساروڵڵای ئەوفیا

- سەرایا عاشورا

- سەرایا ئەنساڕ ئەلعەقیدە

- سەرایا خوڕاسانی

- کەتائیب ئیمام علی

 

وای هەرەسهێنانی سوپای عێراق، حەشدی شەعبی لە زیاتر لە 60 میلیشیای تائیفی بە فەتوای ئایەتوڵڵا عەلی سیستانی، مەرجەعی باڵای شیعەکان دروست بوو.





ئەم هەواڵە 4711جار خوێندراوەتەوە
 
 
ڤیدیۆ گەلەری
چەند دیمەنێک لە لافاوەکە فەرەنسا
ڤیدیۆیی .. شەقامی خۆت و چانسی خۆت
ڤیدیۆیی .. ساتی کوشتنی تارا فارس
ھەڵۆیەک ھەوڵی رفاندنی منداڵێک دەدات
چەند دیمەنێکی سامناکی زریان و گەردەلوولەکەی ئەمریکا
 
 

پێناسە | گەلەری | ئەرشیف | پەیوەندی

پێبژاردنی پۆلیسی هاتووچۆ هەولێر | دهۆک | سلێمانی

هەموو مافەکان پارێزراون بۆ ئاژانسی هەواڵی زاگرۆس

Developed By: Omed Sherzad