English | عربی | Kurdî دواهەواڵ
ڕاستەوخۆ  
 
دۆناڵد تره‌مپ: ئێران لە دۆخێكى پەشۆکاودایە
2018-09-06 [06:51 AM]

ZNA-هەولێر


سەرۆكی ئەمەریكا رایگەیاند، هێشتا دەرگای گفتوگۆ لە نێوان واشنتۆن و تاراندا كراوەیە، دەشڵێت، "ئێران ئێستا لە حاڵەتی پەشۆكاویدایە و هەوڵ دەكات لەپێناو مانەوەدا".

به‌پێی هه‌واڵێكى ماڵپه‌ڕى ده‌نگى ئه‌مريكا، سەرۆکی ويلايه‌ته‌ يه‌كگرتووه‌كانى ئەمەریکا دۆناڵد تره‌مپ وتی، هێشتا ئاماده‌يه‌ بۆ گفتوگۆ لە نێوان واشنتن و تاراندا، بەڵام ئاماژەی بەوەدا كه‌ ئێران ئێستا لە دۆخێكى پەشۆکاویدایە و کۆشش دەکات لەپێناو مانەوەدا.

دۆناڵد ترەمپ پێش كۆبوونەوەی لەگەڵ شازادەی كوەیت لە كۆنگرەیەكی رۆژنامەوانیدا رایگەیاند، "كۆماری ئیسلامی ئێران ئێستا لە حاڵەتی پەشۆكاویدایە، ئەوان لە پەشۆكاوییەكی تەواودان".

تره‌مپ وتیشی: " ئێستا ئەوان تەنها نیگەرانی ئەوەن کە وەکو وڵاتێک بمێننەوە. بزانین چی دەبێت لەگەڵ ئێراندا و بزانین دەیانەوێت گفتوگۆ بکەن یاخود نا. ئەوە بڕیاری خۆیانە نەک من. من هەمیشە ئامادە دەبم بەڵام گرنگ نیيە بە هەر ئاراستەیەکدا بێت."

جێی ئاماژەیە، سەرۆکی ئەمەریکا لە مانگی ئايارى رابردوو لە ڕێككەوتنی ئەتۆمی لەگەڵ تاران کشایەوە کە ئامانج لێی سنووردارکردنی چالاکییە ناوکییەکانی ئێرانە و، دوای کشانەوەش سزاکانی بەسەر تاراندا سەپاندەوە کە پێشتر بەپێی رێکكەوتنەکە لابرابوون.

ترەمپ ڕایگەیاندبوو، "دەبینن چی ڕودەدات، بەڵام ئەوان ئامادەن بۆ گەیشتن بە ڕێككەوتنێكی ڕاستەقینە لەبارەی دۆسیەی ئەتۆمی ئێران، بەڵام نەك هاوشێوەی ڕێككەوتنی ئیدارەی پێشوی وڵاتەكەی، كە بە كارەسات ناوی دەبات".





ئەم هەواڵە 3814جار خوێندراوەتەوە
 
 
ڤیدیۆ گەلەری
چەند دیمەنێک لە لافاوەکە فەرەنسا
ڤیدیۆیی .. شەقامی خۆت و چانسی خۆت
ڤیدیۆیی .. ساتی کوشتنی تارا فارس
ھەڵۆیەک ھەوڵی رفاندنی منداڵێک دەدات
چەند دیمەنێکی سامناکی زریان و گەردەلوولەکەی ئەمریکا
 
 

پێناسە | گەلەری | ئەرشیف | پەیوەندی

پێبژاردنی پۆلیسی هاتووچۆ هەولێر | دهۆک | سلێمانی

هەموو مافەکان پارێزراون بۆ ئاژانسی هەواڵی زاگرۆس

Developed By: Omed Sherzad