English | عربی | Kurdî دواهەواڵ
ڕاستەوخۆ  
 
بـــەربــژێـــر و دانـــا ســۆز و پــەیـمـانـێـت مــەزن
2018-09-06 [07:56 AM]

نڤیسنا: دلۆڤان بارزانی


بەربژێرێن ھێژا سۆز و پەیمانێت مەزن نەدەنە خەلکی کۆ جێ بەجێ کرنا وان دشیانێت ھەوە دانەبیت .

ھەمی لایەنا دڤێت ناما خۆیا تایبەت ھەبیت ، ھەروەسا ھەر بەربژێڕەك نۆێنەراتیا پارتا خۆ دکەت و زۆریش ئاساییە بەربژێر بێژن ئەم دێ بەرنامێ پارتا خۆ جێ بەجێ کەین ، بەس یا ل ھەمیێ گرنگتر ئەوە کۆ ل پەرلەمانی دا ئێکگرتی و ئێك ھەلۆێست بن ، راستە دڤێت پارتا وان و بەرنامێ پارتا وان ل دەف یا گرنگ بیت و ل دیڤ بچن بەس دڤێت ب ڕەنگەکێ گشتی کار بۆ ھەڕێما کۆردستانێ بکەن .

زۆرا خراپە بەربژێر بەرژەوەندیێت گشتی بکەتە قوربانی بەرژەوەندیێت تایبەتی یا پارتا خۆ بەرۆڤاژی ڤێ چەندێ دڤێت بەرژەوەندیێت تایبەتی بکەنە قوربانی بەرژەوەندیێت گشتی .

بەس ل وی دەمی دا ئەگەر بزانن ئەو بەرژەوەندیا گشتی بۆ تەڤایا مللەتێ کۆرد یا باشە ، چۆنکی ھەمی بەربژێر دێ ب نۆێنەراتیا خەلکی ب تایبەتی وان کەسێن دەنگێ خودایێ دێ چنە دناڤ ھولا پەرلەمانی دا .

لەوما پێدڤیە ئێك دەنگ بن  ھەولا ب جێ ئینانا وان ھەمی پەیمان و سۆزێت دایە خەلکی بەری دەنگدانێ بدەن وببنە جھێ رەزامەندیا خەلکی  د بەرژەوەندیا خەلکی دا کار بکەن .

 

لڤێرە دا دڤێت ئەم ھەمی خەلك بزانین کا شۆلێ ئەندام پەرلەمانی چیە د پەرلەمانی دا ، کا بەربژێری شارەزایی د چ بۆار دا ھەیە و تایبەتمەندیا وی چیە و دێ ل دیڤ وی بۆاری شۆل کەت یێ ئەو تێدا شارەزا .

 

ھەروەسا بەربژێر ژی نابیت سۆزێت مەزن بدەتە خەلکی کۆ ئەم سور و سور دزانین کۆ ئەو نەشێت وێ سۆزێ  جێ بەجێ بکەت .

لەوما بەربژێر بلا بارێ خۆ گران نەکەت بلا وان سۆزا بدەت کۆ دشیانێت وی دا ھەبن و بشێت ل ھەمبەر سۆزا خۆ دەربکەڤیت دا ئەو شەرم و زار نەبیت و خەلك ژی بێ ھێڤی نەبن و پەشیمان نەبن کۆ دەنگێ خۆ یێ دای .

 

من ل چاڤ پێکەفتنەکا تی ڤی یێ دا دیت یا خولا چووییا ھەلبژارتنا نۆێنەراتیا پەرلەمانی عێراقێ دا کۆ بەحس ل دەستوور و مووچەیا دھاتەکرن .

 

من دڤێت ڤێ چاڤپێکەفتنێ ب نموونە وەربگرم ، ھەرچەندە یا بەربژێرێن  نۆێنەراتیا پەرلەمانی عیراقێ بوو وان ئەڤ چەندە دگۆت بەس من دڤێت دووبارە بکەمەڤە دا بەربژێرێن پەرلەمانی ھەڕێما کۆردستانێ ڤێ خەلەتیێ دووبارە نەکەن ..:-

نابیت بەربژێر بێژیتە خەلکی دەنگێ خۆ بدەنە من و بەحسێ دەستووری بکەت و بێژیت دێ ڤێ خالا دەستووری جێ بەجێ کەم ، نەخێر چ بەربژێرەك یان لایەنەکێ سیاسی نەشێت خالەکا دەستووری بتنێ جێ بەجێ بکەت .

ئەگەر ھەمی لایەنێت سیاسی یێت ھەمی پارتێن کۆردی پێکڤە کار ل سەر نەکەن و نەبنە ئێك .

 

ھەروەسا یا چارەسەرکرنا مووچەیان کۆ بێژن دێ مووچێ فلان جھی یان باژێری چارەسەرکەین ،

نەخێر ئەو ژی بتنێ ناھێتە کرن چۆنکی پەرلەمان دێ ب زۆریا دەنگان بڕیارا پەسەند کەت ، لایەنەك یان پاڕتەك یان بەربژێرەك بتنێ نەشێت وان تشتا بکەت ، ل وی دەمی دا دێ گەلەك ئەندامێت پارتێن دی یێت عەرەبی نەرازی بن ل پێناڤ چارەسەرکرنا ئاڕیشێن ھەڕێما کۆردستانێ و دانا مافێ خەلکێ ھەڕێمێ .

ل وی دەمی دا دێ ب زۆریا دەنگان بڕیارا ھێتە پەسەند کرن .

 

ژبەر ھندێ ئەم بۆ پەرلەمانێ عیراقێ و نھا ژی بۆ پەرلەمانی ھەڕێما کۆردستانێ ھەر تەرکیزێ دکەینە سەر ئێکگرتنێ چۆنکی ئێکگرتن سەرێ ھەمیێ یە .

بێ ئێك گرتنا ھەمی پارتان چ تشتەك ب دەست مەڤە ناھێت ، چوونا وان دێ یا بێ مفابیت و دێ وەکی ڕووبۆتا بن دناڤ پەرلەمانێ دا لێ ھێن ، ل دەمێ بریارەك دھێتە پەسەند کرن بەس دێ دەستێت خو بلند کەن ئەو ژی دوی دەمی دا ئەگەر وا خیرەتکر نەچووبنە د ھزرێن کیردا .





ئەم هەواڵە 1345جار خوێندراوەتەوە
 
 
ڤیدیۆ گەلەری
شێرەکانیش یاری تۆپی پێ دەکەن
رووداوێكی سەیر پڵنگێك راوی سەگێك لەبەردەم دەرگای ماڵێك دەكات
ئاسكێك ده‌چێته‌ ناو سه‌رتاشخانه‌یه‌ك، ترس دروست ده‌كات
پشیله‌یه‌ك چۆن رێگری له‌ مارێك ده‌كات هه‌ڵبێت
بە ڤیدیۆ.. كاره‌ سه‌خت و نایابه‌كانى چه‌ند كرێكارێك
 
 

پێناسە | گەلەری | ئەرشیف | پەیوەندی

پێبژاردنی پۆلیسی هاتووچۆ هەولێر | دهۆک | سلێمانی

هەموو مافەکان پارێزراون بۆ ئاژانسی هەواڵی زاگرۆس

Developed By: Omed Sherzad