English | عربی | Kurdî دواهەواڵ
ڕاستەوخۆ  
 
سبه‌ی ڕێبه‌ری باڵای ئێران له‌گه‌ڵ سه‌رۆکی ڕووسیا کۆ ده‌بێته‌وه‌
2018-09-06 [12:45 PM]

ZNA - هه‌ولێر


ڕاوێژکاری سه‌رۆکی ڕووسیا وتی، ڤیلادیمیر پووتن له‌گه‌ڵ ئایه‌توڵڵا خامنه‌یی ڕێبه‌ری باڵای شۆڕشی ئیسلامیی ئێران کۆ ده‌بێته‌وه‌.

یووری ئوشاکۆڤ ڕاوێژکاری سه‌رۆکی ڕووسیا له‌ کۆنگره‌یێکی ڕۆژنامه‌وانیدا رایگه‌یاند: بڕیاره‌ ڕۆژی هه‌ینی 7ی ئه‌یلوول و له‌ میانی به‌ڕێوه‌چوونی لووتکه‌ی ڕووسیا و ئێران و تورکیا له‌ تاران، ڤیلادیمیر پووتن له‌گه‌ڵ ئایه‌توڵڵا خامنه‌یی کۆ ببێته‌وه‌.

ئاماژه‌ی به‌وه‌ش کرد: جگه‌ له‌و کۆبوونه‌وه‌یه‌ ڤیلادیمیر پووتن کۆبوونه‌وه‌ی دووقۆڵی له‌گه‌ڵ هه‌ریه‌که‌ له‌ ڕه‌جه‌ب ته‌ییب ئه‌ردۆغان سه‌رۆکی تورکیا و حه‌سه‌ن ڕۆحانی سه‌رۆک کۆماری ئێران ئه‌نجام ده‌دات.

یووری ئوشاکۆڤ ئه‌وه‌شی خسته‌ڕوو که‌ له‌ کۆبوونه‌وه‌کاندا په‌یوه‌ندیی دوولایه‌نه‌ و بارودۆخی سووریا تاوتوێ ده‌کرێت.

ڕاوێژکاری سه‌رۆکی ڕووسیا گوتیشی: دوای کۆتایی هاتنی لووتکه‌ی سێ لایه‌نه‌ی مۆسکۆ و تاران و ئه‌نقه‌ره‌ به‌یاننامه‌یێکی هاوبه‌ش بڵاو ده‌کرێته‌وه‌.

بڕیاره‌ سبه‌ینێ هه‌ینی و له‌ چوارچێوه‌ی دانووستانه‌کانی ئه‌ستانه‌، لووتکه‌ی ڕووسیا و ئێران و تورکیا بۆ تاوتوێ کردنی دۆخی سووریا له‌ تاران به‌ڕێوه ‌بچێت و ئه‌وه‌ش سێیه‌م کۆبوونه‌وه‌ی ئه‌و سێ لایه‌نه‌یه‌.

 





ئەم هەواڵە 5854جار خوێندراوەتەوە
 
 
ڤیدیۆ گەلەری
فرۆکەوانێک بەم شێوەیە رێز لە مامۆستاکەی دەگرێت
کچێک بە موعجیزە رزگاری دەبێت
لە عێراق بەم شێوەیە ئاوی باران لادەدەن ، بە دڵنیایی دوو جار سەیری دەکەیەوە
چەند دیمەنێک لە لافاوەکە فەرەنسا
ڤیدیۆیی .. شەقامی خۆت و چانسی خۆت
 
 

پێناسە | گەلەری | ئەرشیف | پەیوەندی

پێبژاردنی پۆلیسی هاتووچۆ هەولێر | دهۆک | سلێمانی

هەموو مافەکان پارێزراون بۆ ئاژانسی هەواڵی زاگرۆس

Developed By: Omed Sherzad