English | عربی | Kurdî دواهەواڵ
ڕاستەوخۆ  
 
ئه‌بو مه‌هدی موهه‌ندیس: ئه‌مریكا له‌ پشت هێرشه‌كانه‌
2018-09-09 [05:19 AM]

ZNA- هه‌ولێر


جێگری سەرۆکی دەستەی میلیشیاکانی حەشدی شەعبی ئەمریکا بە پاڵپشتیی خۆپیشاندەران و ئەنجامدانی توندوتیژی لە بەسرە، تۆمەتبار دەکات.

 

شەوی شەممە 8/9/2018، ئەبو مەهدی موهەندیس، جێگری سەرۆکی دەستەی حەشدی شەعبی بە میدیاکانی وڵاتەکەی راگەیاندووە، کە سووتاندنی بارەگاکانی حەشدی شەعبی لە بەسرە بە فەرمانی ”لایەنی دیاریکراو“ بووە.

 

ئەبو مەهدی موهەندیس هەڕەشەی لە هەموو ئەوانە کرد، کە بەشداربوون لە سووتاندنی بارەگاکانی حەشدی شەعبی لە بەسرە و رایگەیاند، ”بە جددی مامەڵە لەگەڵ ئەوانەی حەشدیان کردە ئامانج، دەکەین و دەستیشمان بەو مامەڵەیە کردووە“.

 

جێگری سەرۆکی دەستەی حەشدی شەعبی دڵنیایی خۆی لەوە نیشان داوە، کە کونسوڵخانەی ئەمریکا لە بەسرە لە پشت خۆپیشاندان و ناڕەزییەکان و سووتاندنی بارەگاکانی حەشدی شەعبی و رایگەیاند، لەمبارەیەوە ”بەڵگە و زانیاریی تەواو دەخەینە روو“.

 

رۆژی هەینی 7/9/2018، خۆپیشاندەرانی بەسرە کونسوڵخانەی ئێرانیان سووتاند و هوتافیان دژی هەژموونی ئەو وڵاتە لە عێراق، دەکێشا.

 

ئەو خۆپیشاندانانە لە ناوەڕاستی مانگی 7ـی ئەمساڵەوە دژی نەبوونی ئاوی خواردنەوە، کارەبا دەستیان پێ کرد، بەڵام حکوومەت و میلیشیا عێراقییەکان لە بری دابینکردنی داوا رەواکانیان، بە گوللە وەڵامیان دەدەنەوە.





ئەم هەواڵە 11404جار خوێندراوەتەوە
 
 
ڤیدیۆ گەلەری
چەند بیرۆکەیەک بۆ ڕزگاربوون لە گەرمای ھاوین
بەدڵنایی دوو جار سەیری دەکەیەوە ، منداڵێکی زۆر قشە
چەند دیمەنێکی لافاوی شاری شیراز لە ئێران
لە رووداوێکی ھاتووچۆ ئۆتۆمبێلێک دەفڕێت
منداڵێک لە ناو ئۆتۆمبێلی دایکی دەکەوێتە خوارەوە
 
 

پێناسە | گەلەری | ئەرشیف | پەیوەندی

پێبژاردنی پۆلیسی هاتووچۆ هەولێر | دهۆک | سلێمانی

هەموو مافەکان پارێزراون بۆ ئاژانسی هەواڵی زاگرۆس

Developed By: Omed Sherzad