English | عربی | Kurdî دواهەواڵ
ڕاستەوخۆ  
 
ده‌یان جوله‌كه‌ی توندره‌و هێرشیان كرده‌ سه‌ر ئه‌قسا
2018-09-09 [07:39 AM]

​ZNA – هه‌ولێر


بەیانی ئەمڕۆ یەکشەممە، ده‌یان جوولەکەی توندڕەو ھەڵیانکوتایە سەر مزگەوتی ئەقسا كه‌ له‌ نێوانیاندا وەزیری کشتوکاڵی ئیسرائیل، ئوری ئەریئیل تێدابووه‌.

بەرپرسی رایگەیاندنی فەرمانگەی ئەوقافی فەڵەستین، فیراس دبس لە بەیاننامەیەکدا رایگەیاندووە، بەیانی ئەمڕۆ ١٥٠ جوولەکەی توندڕەو ھەڵیانکوتاوەتە سەر مزگەوتی ئەقسا.

دبس ئاماژەی به‌وشكرد: ئەو جوولەکە توندڕەوانە و وەزیری کشتوکاڵی ئیسرائیل، ئوری ئەریئیل لەژێر پاسەوانی پۆلیسی ئیسرائیل بە گرووپ، ھەڵیانکوتاوەتە سەر مزگەوتی ئەقسا.

بەرپرسه‌كه‌ی راگەیاندنی فەرمانگەی ئەوقافی فەڵەستین گوتیشی: ھێزێکی تایبەتی ئیسرائیل فەرمانبەرێکی ئاوەدانکردنەوەی لە فەرمانگەی ئەوقافی قودس، بە ناوی (رائید زەغەیر) لە كاتی ڕاپه‌راندی ئه‌ركه‌كه‌ی لە حەوشەی ئەقسا دەستگیرکردووە.

ھەڵکوتانەسەر مزگەوتی ئەقسا لە لایەن جوولەکە توندڕەوەکانەوە، ھاوکاتە لەگەڵ ئەو رێوشوێنانە توندانەی کە پۆلیسی ئیسرائیل بەرامبەر بە پاسەوانانی مزگەوتی ئەقسا و نوێژخوێنان لە مزگەوتی ئەقسا گرتوویانه‌ته‌ به‌ر.

 





ئەم هەواڵە 4747جار خوێندراوەتەوە
 
 
ڤیدیۆ گەلەری
چەند دیمەنێک لە لافاوەکە فەرەنسا
ڤیدیۆیی .. شەقامی خۆت و چانسی خۆت
ڤیدیۆیی .. ساتی کوشتنی تارا فارس
ھەڵۆیەک ھەوڵی رفاندنی منداڵێک دەدات
چەند دیمەنێکی سامناکی زریان و گەردەلوولەکەی ئەمریکا
 
 

پێناسە | گەلەری | ئەرشیف | پەیوەندی

پێبژاردنی پۆلیسی هاتووچۆ هەولێر | دهۆک | سلێمانی

هەموو مافەکان پارێزراون بۆ ئاژانسی هەواڵی زاگرۆس

Developed By: Omed Sherzad