English | عربی | Kurdî دواهەواڵ
ڕاستەوخۆ  
 
ئه‌ڵمانیا هه‌ڕه‌شه‌ی هێرشی ئاسمانی له‌ سوریا ده‌كات
2018-09-10 [06:50 AM]

ZNA – هه‌ولێر


وەزیری بەرگریی ئەڵمانیا ڕایگەیاندووە، بەرلین ئامادەیە هێرشی ئاسمانی بکاتە سەر سوپای سوریا،  ئەگەر سووریا لەسەر هێرشەکان و بۆردومانی کیمیایی بۆ سەر ئیدلب به‌رده‌وام بێت.

ڕۆژنامەی بیلد ی ئەڵمانی لەزاری "ئۆرسولا فوون درلاین" وەزیری بەرگریی ئەو وڵاتەوە بڵاوی کردووەتەوە ئەگەر بێت و حکوومەتی سووریا به‌رده‌وامبێت لە سه‌ر هه‌وڵه‌كانیبۆ  بۆردومانی کیمیایی لە شاری ئیدلب، ئەڵمانیا ئامادەیە لەڕێگەی ئاسمانییەوە سوپای سووریا بکاتە ئامانج.

هاوکات پرسی هێرشی ئاسمانیی ئەڵمانیا بۆ سەر سوپای سووریا لە پەرلەمانی ئەو وڵاتەش خراوەتە بەرباس و پەرلەمانتارانی لێ ئاگادار کراوەتەوە، ئەو داخوازییەش تاوتوێ کراوە و هاوکات لە وەزارەتی بەرگریی ئەڵمانیاش چەند دانیشتنی پسپۆڕی لەبارەی ئەو پرسەوە ساز کراوە.

ماوەی نزیکەی مانگێکە سوپای سووریا بە هاوکاریی ئێران ئامادەکاری دەکات بە شێوەیەکی فراوان هێرش بکاتە سەر پارێزگای ئیدلب، کە لەدەستی چەکدارانی ئۆپۆزسیۆنی سووریا دایە کە لەلایەن تورکیاوە پاڵپشتی دەکرێن و لە ڕۆژانی ڕابردوودا سوپای سووریا لەڕێگەی ئاسمانییەوە هێرشەکەی دەست پێکردووە و بە بۆمبی بەرمیلی چەند ناوچەیەکی سڤیلی بۆردومان کردووە.

 وەزیرانی دەرەوەی بەریتانیا و فەرەنسا پشتگیریی له‌م هه‌لوێسته‌ی ئەڵمانیا دەکەن.

 





ئەم هەواڵە 7213جار خوێندراوەتەوە
 
 
ڤیدیۆ گەلەری
فرۆکەوانێک بەم شێوەیە رێز لە مامۆستاکەی دەگرێت
کچێک بە موعجیزە رزگاری دەبێت
لە عێراق بەم شێوەیە ئاوی باران لادەدەن ، بە دڵنیایی دوو جار سەیری دەکەیەوە
چەند دیمەنێک لە لافاوەکە فەرەنسا
ڤیدیۆیی .. شەقامی خۆت و چانسی خۆت
 
 

پێناسە | گەلەری | ئەرشیف | پەیوەندی

پێبژاردنی پۆلیسی هاتووچۆ هەولێر | دهۆک | سلێمانی

هەموو مافەکان پارێزراون بۆ ئاژانسی هەواڵی زاگرۆس

Developed By: Omed Sherzad