English | عربی | Kurdî دواهەواڵ
ڕاستەوخۆ  
 
حكومەتی هەرێمی كوردستان چەند بڕیارێك بۆ مووچەخۆران دەردەكات
2018-09-11 [07:01 AM]

​ZNA - هەولێر


ئەنجومەنی وەزیرانی كوردستان سەبارەت بە تۆماری بایۆمەتری مووچە چەند بڕیارێك بۆ مووچەخۆران و یەكەی ژمێریاری و گەنجینەكان دەردەكات.

بەپێی نوسراوێكی سەرۆكایەتی ئەنجومەنی وەزیرانی هەرێمی كوردستان كەتایبەت بۆ باس نێردراوە، ئاماژە بە چەند بڕیارێك كراوە كە تایبەتن بە تۆماری بایۆمەتری مووچەخۆران.

لە بڕیارەكاندا ئاماژە بەوەكراوە هەرمووچەخۆرێك تۆمار و پشتڕاستكردنەوە و پەسندكردنی لە سیستەمی بایۆمەتری مووچەخۆران بۆ نەكرابێت، "مووچەكەی دەبڕێت، تاوەكو كێشەی بایۆمەتری چارەسەر دەكات، جەخت كراوەتەوە، یەكە ژمێریاریەكان و گەنجینەكان بەرپرسن لە جێبەجێكردنی ئەو بڕیارە، بە پێچەوانەوە سەرەڕای غەرامەكردنیان رێكاری یاساییان بەرامبەر دەگیرێتەبەر".

ئەنجومەنی وەزیران روونیشی كردۆتەوە، پێويستە سەرجەم گەنجینەكان پابەندی لیستی مووچەی پەسندكراوی بایۆمەتری بن" ژمارەی مووچەخۆر وكۆی مووچەكانی هەر یەكەیەكی ژمێریاری دەبێت هاوتا بێت لەگەڵ لیستی پەسندكراوی بايۆمەتری، لە دەرەوەی ئەم لیستە نابێت لە ژێر هەر بیانوو و پاساوێكدا كار بە هیچ لیستێكی تر بكرێت".

بە پێویست زاندراوە گەنجینەكان مانگانە ژمارەی مووچەخۆر و بڕی تەمویلكراو بۆ هەر یەكەیەكی ژمێریاری بە لیستێك بدەنە لیژنەی باڵای تۆماری بایۆمەتری لە سەرۆكایەتی ئەنجومەنی وەزیران، ئەویش بۆ دڵنیابوون لە لیستی پەسندكراوی سیستەمی بایۆمەتری.

 

 





ئەم هەواڵە 20521جار خوێندراوەتەوە
 
 
ڤیدیۆ گەلەری
چەند دیمەنێکی سامناکی زریان و گەردەلوولەکەی ئەمریکا
یەکەم گۆڵی رۆنالدۆ لەگەڵ یانەی یۆڤانتس
منداڵێک بەشێوەیەکی سەرسوڕھێنەر لە رووداوێکی ھاتووچۆ رزگاری دەبێت
پێشبڕکێیەکی ئەسپ سواری کارەساتی لێدەکەوێتەوە
گەنجێک ئافرەتێک لە مردن رزگار دەکات
 
 

پێناسە | گەلەری | ئەرشیف | پەیوەندی

پێبژاردنی پۆلیسی هاتووچۆ هەولێر | دهۆک | سلێمانی

هەموو مافەکان پارێزراون بۆ ئاژانسی هەواڵی زاگرۆس

Developed By: Omed Sherzad