English | عربی | Kurdî دواهەواڵ
ڕاستەوخۆ  
 
مانگرتنی سەرتاسەری لە ڕۆژهەڵاتی كوردستان دژی حكومەت دەستی پێكرد
2018-09-12 [06:47 AM]

ZNA - هەولێر


مانگرتنی سەرتاسەری لە ڕۆژهەڵاتی کوردستان دەستیپێکرد، دژی  هێرشەکەی ئێران بۆسەر بارەگاکانی حدکا و حدک لە کۆیە و لەسێدارەدانی زیندانیانی سیاسیی لەلایەن حکومەتی ئەو وڵاتەوە.

بەپێی میدیاكان، ئەمڕۆ لە شارەکانی سنە و سەقز و بانە و مەریوان و شنۆ و پاوە و زۆربەی شارەکانی ڕۆژهەڵاتی کوردستان خەڵک لە ماڵەکانیان نەهاتوونەتەدەر و دوکان و بازاڕیان نەکردووەتەوە.

هاوڵاتیان بەو شێوەیە ناڕەزایەتی خۆیان دژ بە هێرشەکەی چەند ڕۆژی ڕابردووی سوپای ئێران بۆسەر بارەگاکانی هەر دوو حزبی دیموکراتی کوردستانی ئێران لە کۆیە و لەسێدارەدانی زیندانیانی سیاسیی دەربڕیوە.

ئەوەش دوای ئەوە دێت کە ناوەندی هاوکاریی حزبەکانی ڕۆژهەڵاتی کوردستان لەبەیاننامەیەکدا، داوای لە هاوڵاتیانی سەرجەم شارەکانی ڕۆژهەڵاتی کوردستان کرد، ئەمڕۆ چوارشەممە لە ماڵەکانیان بمێننەوە و مانگرتنی سەرتاسەری ڕابگەیەنن.

لە بەیاننامەکەدا ئاماژە بەوەکراوە، بە داخستنی دوکان و بازاڕەکان هەڵوێستی  خۆتان ئاڕاستەی حکومەتی ئێران بکەن، خۆپیشاندان و ناڕەزایی ئەنجام بدەن.

 





ئەم هەواڵە 4252جار خوێندراوەتەوە
 
 
ڤیدیۆ گەلەری
چەند دیمەنێک لە لافاوەکە فەرەنسا
ڤیدیۆیی .. شەقامی خۆت و چانسی خۆت
ڤیدیۆیی .. ساتی کوشتنی تارا فارس
ھەڵۆیەک ھەوڵی رفاندنی منداڵێک دەدات
چەند دیمەنێکی سامناکی زریان و گەردەلوولەکەی ئەمریکا
 
 

پێناسە | گەلەری | ئەرشیف | پەیوەندی

پێبژاردنی پۆلیسی هاتووچۆ هەولێر | دهۆک | سلێمانی

هەموو مافەکان پارێزراون بۆ ئاژانسی هەواڵی زاگرۆس

Developed By: Omed Sherzad