2018-09-13 [06:16 AM]

بەربژێرەکێ لیستا 183یا پارتی راگەهاند، دێ کارکەم بو دەرئێخستنا دستورەکێ هەڤچەرخ بو هەرێما کوردستانێ کو ببیتە تاکە مەرجەع بو چارەسەرکرنا هەرئاریشەکا لناڤ جڤاکێ مەدا.

پروفیسور و دکتور وەعدی سلێمان مزیری بەربژێرێ ژمارە 78 لسەر لیستا 183 یا پارتی دیمکراتی کوردستان بو پەرلەمانێ کوردستانێ بو ئاژانسی هەواڵی زاگروس راگەهاند،ئەز وەکو یاساناسەک دروشمێ من یێ سەرەکی دێ سەروەریا یاسایێ بیت هەروەکی جەنابێ سەروک بارزانی ئاماژە پێدای ل کوردستانێ کەس ژ یاسایێ بلندترنینە.

وەعدی سلێمان مزیری ئاماژێ ددەت بو چوناوی دناڤ پەرلەمانیدا، دێ ئێکەم کارێ من ئەو بیت لسەر دابینکرنا دادپەروەریا جڤاکی کو دبیتە دروست کرنا جڤاکەکێ ساخلەم دناڤ هەرێما کوردستانێدا ، هەروەسا دناڤ یاساو رێسایێن دەستوریدا دیاردبیت کو هەمی تاکەکێ کوردستانێ یەکسانە لبەرامبەری یاسایێ.

بەربژێرێ ژمارە 78ی لیستا 183یا پارتی دیارکر، دێ کارکەم لسەر بلندکرنا مووچێ بنەرەتی یێ هێزێن ناڤخو هەروەسا یێ پێشمەرگەهێت قارەمان و راستڤەکرنا مووچێ وان یێ ئسمی داکو خزمەتا وان بهەدەر نەچیت لسەر مووچەکێ باش بهێتە خانەنشین کرن.

هەروەسا مزیری دیارژی کر،دێ کارکەم بو دەرئێخستنا دستورەکێ هەڤچەرخ بو هەرێما کوردستانێ کو ببیتە تاکە مەرجەع بو چارەسەرکرنا هەرئاریشەکا لناڤ جڤاکێ مەدا دروست ببیت و مافێ چ تاکەکێ بەرزەنەبیت.

پروفیسور وەعدی دبێژیت،پەرلەمان جهێ دروست کرنا یاسایا نە جڤاکێمە پێتڤی بکەسێن یاساناسە لەورا پێتڤی بدەنگێ وەمە بوبدەستڤەئینانا مافێ هەرتاکەکێ هەرێماکوردستانێ دناڤ پەرلەمانێ کوردستانێدا.

پەیامامن بو خەلکێ کوردستانێ بگشتی، دەنگێ خوبدەنە ژمارا 78ێ لسەر لیستا183یا پارتی دیموکراتا کوردستانێ، لیستا 183ئەو لیستەبویە کونەهێلایە هەرێما کوردستانێ رادەستی دوژمنا ببیت وبەرگری لهەمی خەلکی و ئاخا کوردستانێ کریە.