English | عربی | Kurdî دواهەواڵ
ڕاستەوخۆ  
 
وڵاتێكی ئەوروپی دەیان سەرباز لە هەرێمی كوردستان جێگیر دەكات
2018-09-15 [05:46 AM]

ZNA - هەولێر


هۆڵەندا بڕیاریداوە تاوەکو کۆتایی ئەم ساڵ فڕۆکە شەركەرەكانی ووڵاتەكەی كە لە عێراق و سووریا شەڕی داعشیان دەكرد بکێشێتەوە. بەڵام جێگیرکردنی ئاسایش 50 سەرباز لە هەرێمی کوردستان جێگیردەکات. 

 

مارک رۆتە  سەرۆک وەزیرانی هۆڵەندا لە کۆنگرەیەکی رۆژنامەوانیدا گوتی: "کۆتایی شەڕی داعش نزیک بووەتەوە و ئێستا داعش بووەتە رێکخراوێکی نهێنی و کاردەکات بۆ ئەنجامدانی کاری تیرۆریستی، بۆیە حکومەت بڕیاریداوە ماوەی مانەوەی فڕۆکەکانی F 16  درێژ نەکاتەوە".
 
مارک رۆتە گوتیشی: " هۆڵەندا لە عێراق  قۆناغی هێرشکردن دەگۆڕێ بۆ قۆناغی بنیاتنانی ئاسایش بۆ گەڕانەوەی خەڵک بۆ سەر ماڵ و حاڵیان، بۆ ئەم مەبەستەش 50 سەرباز لە هەرێمی کوردستان جێگیردەکات بۆ مەشقکردن و پاراستنی ناوچە ئازادکراوەکان لە دەستی داعش". 
 
هەروەها 3 تا 12 سەربازی یەکەی تایبەت لە بەغدا دەمێننەوە بۆ مەشقکردنی هێزە عێراقییەکان، هەروەها 20 کەسی مەدەنی و سەربازی لەچوارچێوەی پرۆسەی ئەرکەکانی هێزەکانی پەیمانی ناتۆ دەمێننەوە بۆ جێگیرکردنی ئاسایش لە عێراق. 
 
لە ساڵی  2014 هۆڵەندا بە 4 فڕۆکەی جۆری F16 بەشداریکرد لەگەڵ هێزەکانی هاوپەیمانانی دژی داعش لەعێراق.




ئەم هەواڵە 6925جار خوێندراوەتەوە
 
 
ڤیدیۆ گەلەری
فرۆکەوانێک بەم شێوەیە رێز لە مامۆستاکەی دەگرێت
کچێک بە موعجیزە رزگاری دەبێت
لە عێراق بەم شێوەیە ئاوی باران لادەدەن ، بە دڵنیایی دوو جار سەیری دەکەیەوە
چەند دیمەنێک لە لافاوەکە فەرەنسا
ڤیدیۆیی .. شەقامی خۆت و چانسی خۆت
 
 

پێناسە | گەلەری | ئەرشیف | پەیوەندی

پێبژاردنی پۆلیسی هاتووچۆ هەولێر | دهۆک | سلێمانی

هەموو مافەکان پارێزراون بۆ ئاژانسی هەواڵی زاگرۆس

Developed By: Omed Sherzad