English | عربی | Kurdî دواهەواڵ
ڕاستەوخۆ  
 
دەنگدانی نھێنی بۆ ھەڵبژاردنی سەرۆک و جێگرەکانی سەرۆکی ئەنجوومەنی نوێنەرانی عێراق دەستیپێکردووە
2018-09-15 [09:52 AM]

Z.N.A


 پاش ئەوەی رێژەی یاسایی ئەندامانی ئەنجوومەنی نوێنەرانی عێراق تەواو بووە، محەمەد عەلی زەینی، سەرۆکی کاتی پەرلەمان دانیشتنەکەی دەستپێکردووە، ھەر چەندە پەرلەمانتارانی پارتی دیموکراتی کوردستان و ھاوپەیمانی سائیروون و چەند لایەنێکی دیکە لە ھۆڵی کۆبوونەوەکە چوونەتە دەرەوە، بەڵام دەرچوونیان بۆ راوێژکردن بووەو دواتر گەڕاونەتەوە ناو ھۆڵی پەرلەمان و دەنگدانی نھێنی بۆ ھەڵبژاردنی دەستەی سەرۆکایەتی دەستیپێکردووە.
سەرۆکی پەرلەمانی عێراق بۆ سوننەکانی عێراق دەبێت و نۆ کەس کاندیدی ئەم پۆستەن، بەڵام چوار کەسیان کشاونەتەوەو پێنج کەسەکەی دیکەیان ھێشتا بەردەوامن لە کێبڕکێی بوون بە سەرۆکی پەرلەمان.
بۆ جێگری سەرۆکی پەرلەمانی عێراقیش پارتی دیموکراتی کوردستان دکتۆر بەشیر خەلیل حەدادی کاندیدکرووەو ھەر یەکە لە موسەننا ئەمین لە یەکگرتووی ئیسلامی کوردستان و ئەحمەدی حاجی رەشید لە کۆمەڵی ئیسلامی خۆیان بۆ پۆستەکە پاڵاوتووە.
سەرۆکی پەرلەمان دوو جێگری دەبێت و لە لیستی ھاوپەیمانێتی سائیروون کە موقتەدا سەدر پاڵپشتی دەکات حەسەن کەریم بۆ وەرگرتنی کاندید کراوە.
بەگوێرەی دەستووری عێراق ئەمڕۆ دوا وادەی ھەڵبژاردنی دەستەی سەرۆکایەتی ئەنجوومەنی نوێنەرانی عێراقە.





ئەم هەواڵە 9787جار خوێندراوەتەوە
 
 
ڤیدیۆ گەلەری
چەند دیمەنێکی لافاوی شاری شیراز لە ئێران
لە رووداوێکی ھاتووچۆ ئۆتۆمبێلێک دەفڕێت
منداڵێک لە ناو ئۆتۆمبێلی دایکی دەکەوێتە خوارەوە
ڤیدیۆیی .... بە ئاگر و شمشێر قژی ئافرەتان رێکدەخات
فرۆکەوانێک بەم شێوەیە رێز لە مامۆستاکەی دەگرێت
 
 

پێناسە | گەلەری | ئەرشیف | پەیوەندی

پێبژاردنی پۆلیسی هاتووچۆ هەولێر | دهۆک | سلێمانی

هەموو مافەکان پارێزراون بۆ ئاژانسی هەواڵی زاگرۆس

Developed By: Omed Sherzad