English | عربی | Kurdî دواهەواڵ
ڕاستەوخۆ  
 
وه‌زاره‌تی دارایی له‌سه‌ر دامەزراندن روونكردنه‌وه‌ ده‌دات
2018-09-18 [06:02 AM]

​ZNA – هه‌ولێر


بەرپرسێكی وەزارەتی دارایی لە بارەی دامەزراندنی فەرمانبەرانی گرێبەست، ئاشكرای دەكات پێشینەی دامەزراندن بۆ ئەو كەسانە دەبێت كە خزمەتی زیاتریان هەیە.

پەروین نوری، بەرێوەبەری گشتی بودجە لە وەزارەتی دارایی هەرێمی کوردستان بە باسی راگەیاند: لە بودجەی 2019 هەوڵی ئەوە دەدرێت فەرمانبەرانی گرێبەست بكرێنە هەمیشەیی، بۆ دامەزراندنیش پێشینە دەدرێتە بەو فەرمانبەرانەی بە گرێبەست كاردەكەن ئەویش بە پێی ساڵانی خزمەت بە تایبەت ئەوانەی خزمەتیان زۆرترە شانسی زیاتریان دەبێت".

بەپێی رێنمای 32 و 38 ی وەزارەتی دارایی هەر فەرمانبەرێك 3 ساڵی تەواوكرد  دەتوانێت ببێتە فەرمانبەری  هەمیشەیی  بەو مەرجەی بودجەی بۆ تەرخان بكرێت، بەڵام بەهۆی نەبوونی بودجەیەكی پەسند كراو رێنماییەكە راگیراوە.

ئه‌و بەرپرسەی وەزارەتی دارایی لەم بارەیەوە گوتی:" خەڵك هەیە 7 بۆ 8 ساڵ خزمەتی گرێبەستی هەیە و نەكراوەتە فەرمانبەری هەمیشیی، بۆیە پێشینەی دامەزراندن بەوانە دەدرێت كە زۆرترین خزمەتیان هەیە".

په‌روین نووری ئاشكراشی كرد:  مامۆستایانی گرێبەستیش بەپێی ساڵانی خزمەتیان وەك فەرمانبەری گرێبەست مامەڵەیان لەگەڵ دەكرێت بۆ ئەوەی بكرێنە هەمیشەیی، هه‌روه‌ها بەشێك لە گفتوگۆكانی بودجە پەیوەندی بە میلاكات و پڕكردنەوەی میلاكات هەیە چونكە چەند ساڵە بەهۆی قەیران دامەزراندن وەستاوە".

زیاتر لە 30 هەزار فەرمانبەری گرێبەست لە داموو دەزگاكان بونیان هەیە كە زۆرینەیان لە وەزارەتی شارەوانی و تەندروستین".

 





ئەم هەواڵە 9451جار خوێندراوەتەوە
 
 
ڤیدیۆ گەلەری
فرۆکەوانێک بەم شێوەیە رێز لە مامۆستاکەی دەگرێت
کچێک بە موعجیزە رزگاری دەبێت
لە عێراق بەم شێوەیە ئاوی باران لادەدەن ، بە دڵنیایی دوو جار سەیری دەکەیەوە
چەند دیمەنێک لە لافاوەکە فەرەنسا
ڤیدیۆیی .. شەقامی خۆت و چانسی خۆت
 
 

پێناسە | گەلەری | ئەرشیف | پەیوەندی

پێبژاردنی پۆلیسی هاتووچۆ هەولێر | دهۆک | سلێمانی

هەموو مافەکان پارێزراون بۆ ئاژانسی هەواڵی زاگرۆس

Developed By: Omed Sherzad