English | عربی | Kurdî دواهەواڵ
ڕاستەوخۆ  
 
سوپای سوریا فڕۆكه‌یه‌كی روسیای خسته‌‌ خواره‌وه‌
2018-09-18 [07:38 AM]

ZNA – هه‌ولێر


وەزارەتی بەرگری رووسیا خستنەخوارەوەی فڕۆکەکەیان لەلایه‌ن سوپای سووریاوە پشتڕاستکردەوە کە دوێنێ لە ئاسمانی سووریادا بە 14 سەرنشینەوە ونبوبوو.

پێشتر وەزارەتی بەرگری رووسیا لە بڵاوکراوەیەکیدا رایگەیاندبوو: "لەکاتی هێرشی چوار فڕۆکەی ئیسرائیل بۆ لازیقییە، بنکەی ئاسمانی حمێمیم پەیوەندی لەگەڵ فڕۆکەکەمان پچڕاوە، گەڕانیش بە دوای ئەو فڕۆکەیە بەردەوامە".

تەلەڤزیۆنی فەرمی حکوومەتی رووسیا (تاس)، پەنجەی تۆمەتی بۆ کەشتییە جەنگییەکانی فەرەنساش درێژکردبوو و نوسیبووی، هێرشەکانی ئیسرائیل بە یارمەتی کەشتییە جەنگییەکانی فەرەنسا بووە لە دەریای ناوەڕاست.

بەهۆی تۆمەتبارکردنیان، واشنتن و پاریس، بەیاننامەی خۆیان بڵاوکردۆتەو و رەتی دەکەنەوە بەشداریان لە هێرشەکانی سەر لازقییە کردبێت، بەڵام بەرپرسێکی ئەمەریکی بە تۆڕی هەواڵی سی ئین ئێن گوتووە: "فڕۆکە رووسیەکە لەلایەن یەکەی بەرگری ئاسمانی سووریاوە بە هەڵە و لەکاتی رووبەڕووبوونەوەی فڕۆکەکانی ئیسرائیل کراوەتە ئامانج و خراوەتە خوارەوە".

ئەو بەرپرسە ئاشکراشیکردووە: "فڕۆکەکە بەو مووشەکە خراوەتە خوارەوە کە رووسیا داویەتی بە سوپای سووریا".

لە نوێترین بڵاوکراوەیدا، وەزارەتی بەرگری رووسیا وتەکانی ئەو بەرپرسەی ئەمەریکای پشتڕاستکردەوە و نووسیویەتی: " فڕۆکەکەمان بە سیستمی بەرگری مووشەکی ئێس- 200 لەلایەن سووریاوە خراوەتەوە خوارەوە".

سیستمی بەرگری مووشەکی ئێس-200 لە ساڵی 1960 لەلایەن یەکێتی سۆڤیەتی پێشوو دروستکراوە و لە ساڵی 1983 حکوومەتی سووریا ئەو سیستمەی کڕیوە و لەجەنگی ناوخۆی سووریاشدا بەکارهاتووە.

 





ئەم هەواڵە 1756جار خوێندراوەتەوە
 
 
ڤیدیۆ گەلەری
چەند دیمەنێک لە لافاوەکە فەرەنسا
ڤیدیۆیی .. شەقامی خۆت و چانسی خۆت
ڤیدیۆیی .. ساتی کوشتنی تارا فارس
ھەڵۆیەک ھەوڵی رفاندنی منداڵێک دەدات
چەند دیمەنێکی سامناکی زریان و گەردەلوولەکەی ئەمریکا
 
 

پێناسە | گەلەری | ئەرشیف | پەیوەندی

پێبژاردنی پۆلیسی هاتووچۆ هەولێر | دهۆک | سلێمانی

هەموو مافەکان پارێزراون بۆ ئاژانسی هەواڵی زاگرۆس

Developed By: Omed Sherzad