English | عربی | Kurdî دواهەواڵ
ڕاستەوخۆ  
 
مەسرور بارزانی : ھەوڵی پێکھێنانی ھاوپەیمانیەتیەک لەبەغدا دەدەین کە داخوازییەکانمان جێبەجێ بکرێت
2018-09-18 [02:01 AM]

ZNA – ھەولێر 




ئەمڕۆ ١٨/٩/٢٠١٨ مەسرور بارزانی راوێژکاری ئەنجوومەنی ئاسایشی ھەرێمی کوردستان پێشوازی لە (برادلی سۆدن) باڵیۆزی نیوزلاند لە عێراق کرد.

لە دیدارێکدا پەرەسەندنە سیاسی و سەربازییەکانی ناوچەکە بەگشتی و ھەڕەشەی تیرۆریستان و بەڕێوەچوونی ھەڵمەتی پرۆسەی ھەڵبژاردن لە ھەرێمی کوردستان تاوتوێکرا، لەوبارەوە مەسرور بارزانی ئاماژەی بەوەدا، کە ھێشتا تیرۆیستانی داعش ھەڕەشەی سەرەکی و مەترسیدارن بۆ ئاسایش و سەقامگیری ناوچەکە، بەتایبەتی لە ناوچەکانی مووسڵ و ئەنبار و دەوروبەری کەرکووک.
لە بەشێکی دیکەی دیدارەکەدا باس لە ھەوڵ و ھەنگاوەکانی پێکھێنانی حکوومەت لە بەغدا کرا و ھەردوولا ھاوڕابوون، کە پێویستە حکوومەتێک بێت رەنگدانەوەی پێکھاتەی عێراق بێت و ھەوڵی خۆی بۆ ئاشتبوونەوەی نیشتمانی و دابینکردنی خزمەتگوزارییە سەرەکیەکان و چارەسەرکردنی کێشەکان بخاتەگەڕ، لەوبارەوە باڵیۆزی نیوزلاند پشتیوانی حکوومەتی وڵاتەکەی بۆ پێکھێنانی حکوومەتێک راگەیاند، کە نوێنەرایەتی گشت پێکھاتەکان و ویست و داخوازی ھاووڵاتیان بکات.
پەیوەست بە ھەوڵەکانی پێکھێنانی حکوومەت، راوێژکاری ئەنجوومەنی ئاسایشی ھەرێمی کوردستان جەختی لەوەکردەوە، ھەرێمی کوردستان ھەوڵی پێکھێنانی ھاوپەیمانیەتیەک دەدات، کە داخوازییەکانی کوردستان و ماددە و بڕگەکانی دەستوور جێبەجێ دەکات. ھەروەھا ئاماژەی بە چڕکردنەوەی ھەوڵەکان بۆ دامەزراندنی ئەنجوومەنی باڵای سیاسەتی ستراتیژی لە عێراق دا، وەک ھەوڵێکی گرینگ بۆ رێگەگرتن لە تاکڕەوی لە بەڕێوەبردن و دەرکردنی بڕیارە چارەنووسسازەکاندا.
باسکردن لە پەیوەندییە دووقۆڵیەکانی نێوان ھەرێمی کوردستان و نیوزلاند و پەرەپێدانیان لە گشت بوارەکاندا تەوەرێکی دیکەی دیدارەکە بوو.





ئەم هەواڵە 4054جار خوێندراوەتەوە
 
 
ڤیدیۆ گەلەری
فرۆکەوانێک بەم شێوەیە رێز لە مامۆستاکەی دەگرێت
کچێک بە موعجیزە رزگاری دەبێت
لە عێراق بەم شێوەیە ئاوی باران لادەدەن ، بە دڵنیایی دوو جار سەیری دەکەیەوە
چەند دیمەنێک لە لافاوەکە فەرەنسا
ڤیدیۆیی .. شەقامی خۆت و چانسی خۆت
 
 

پێناسە | گەلەری | ئەرشیف | پەیوەندی

پێبژاردنی پۆلیسی هاتووچۆ هەولێر | دهۆک | سلێمانی

هەموو مافەکان پارێزراون بۆ ئاژانسی هەواڵی زاگرۆس

Developed By: Omed Sherzad