English | عربی | Kurdî دواهەواڵ
ڕاستەوخۆ  
 
مەسرور بارزانی پێشوازی لە باڵیۆزی سوید لە عێراق دەکات
2018-09-19 [01:01 AM]

ZNA- ھەولێر 




ئەمڕۆ ١٩/٩/٢٠١٨ مەسرور بارزانی راوێژکاری ئەنجوومەنی ئاسایشی ھەرێمی کوردستان پێشوازی لە (پۆنتوس مێلاندەر) باڵیۆزی سوید لە عێراق کرد.


لەو دیدارەدا پێشھات و گفتوگۆکانی پێکھێنانی حکوومەتی نوێی عێراقی فیدراڵ و پرۆسەی ئەنجامدانی ھەڵبژاردنی کوردستان تاوتوێکرا. پەیوەست بە گفتوگاکانی پێکھێنانی حکوومەتی نوێ لە عێراق، مەسرور بارزانی ئاماژەی بە سیستمی سیاسی و بەدگومانی نێوان پێکھاتەکانی عێراق دا و رایگەیاند پێویستە پرۆسەی سیاسی لەسەر بنەمای ھاوسەنگی و ھاوبەشی راستەقینەوە و سازان لە بڕیارە چارەنووسسازەکاندا راستەڕێ بکرێت و نابێت ھیچ پێکھاتەیەک فەرامۆش بکرێت بۆئەوەی ھاووڵاتی ھەست بەوە بکات بەشێکە لەم وڵاتەدا.
لە دیدارەکەدا باڵیۆزی سوید لە عێراق خۆشحاڵی خۆی بە سەردانی ھەرێمی کوردستان و پێشکەوتنەکانی دەربڕی و ئاماژەی بەرۆڵی رەوەندی کورد لە وڵاتەکەی دا و رایگەیاند، رەوەندی کورد بە شێوەیەکی زۆر باش تێکەڵاوی کۆمەڵگەی سویدی بووە و لە بوارە جیاکاندا چالاکن. لەبارەی سیستمی سیاسی لە عێراقی فیدراڵ رایگەیاند، ئەوان پشتگیری لە سیستمێکی بەھێز و ھاوسەنگ و بنکەفرەوان دەکەن، کە رەنگدانەوەی پێکھاتەکانی عێراق بێت و توانای دابینکردنی خزمەتگوزارییە بنەڕەتیەکانی ھەبێت.
گفتوگۆکردن لەبارەی پەرەپێدانی پەیوەندییە دوو قۆڵیەکانی نێوان ھەرێمی کوردستان و سوید لە بوارە جیاکاندا تەوەرێکی دیکەی دیدارەکە بوو.


ی.ا
 





ئەم هەواڵە 2539جار خوێندراوەتەوە
 
 
ڤیدیۆ گەلەری
چەند دیمەنێک لە لافاوەکە فەرەنسا
ڤیدیۆیی .. شەقامی خۆت و چانسی خۆت
ڤیدیۆیی .. ساتی کوشتنی تارا فارس
ھەڵۆیەک ھەوڵی رفاندنی منداڵێک دەدات
چەند دیمەنێکی سامناکی زریان و گەردەلوولەکەی ئەمریکا
 
 

پێناسە | گەلەری | ئەرشیف | پەیوەندی

پێبژاردنی پۆلیسی هاتووچۆ هەولێر | دهۆک | سلێمانی

هەموو مافەکان پارێزراون بۆ ئاژانسی هەواڵی زاگرۆس

Developed By: Omed Sherzad