English | عربی | Kurdî دواهەواڵ
ڕاستەوخۆ  
 
جێگری به‌غدادی بڕیاری لەسێدارەدانی بۆ ده‌رچوو
2018-09-19 [01:14 AM]

ZNA - هه‌ولێر


 

دادگایەکی عێراق بڕیاری سزای لەسێدارەدانی بۆ ئەندامێکی گەورەی داعش کە جێگری ئەبو بەکر ئەلبەغدادی ڕێبەری گروپەکە بووە، به‌پێی ماده‌ی چواری تیرۆر ده‌ركرد.

ئەمڕۆ چوارشەممە عەبدولسەتار بەیرەقدار گوتەبێژی ئەنجومەنی باڵای دادوەری عێراق لە بەیانـنامەیەکدا ڕایگەیاند، دادگای تاوانەکانی کەرخ بڕیاری لەسەر کەیسەکانی تاوانکاری تێرۆرست ئیسماعیل ئەلعیساوی دا و بەپـێی مادەی چواری یاسای نەهێشتنی تێرۆرزم بڕیاری سزای لەسێدارەدانی بۆ دراوە.

بەیرەقدار ئاماژەی بۆ ئەوەش کرد، ئه‌لعیساوی چەندین جۆر دەسەڵاتی لە ناو داعش هه‌بوو، لەوانە بەرپـرسی لیژنەی فەتوادان و ئەندامی لیژنەی بەرپـرس لە دانانی وانەی قوتابخانەکانی داعش.

گوتیشی، ئەم تاوانکارە بۆ سوریا هەڵهاتبوو و لەوێ لە بەشی پەیوەندی داعش لەگەڵ خێڵەکان کاری کردبوو، بەڵام پاش ئەوەی زۆربەی ناوچەکان لە داعش ڕزگاکران، بۆ تورکیا هەڵهاتبوو، دواتر لە ئەنجامی هەوڵی دەزگاکانی هەواڵگری وە هەماهەنگی لەگەڵ تورکیا توانرا دەسـتگیربکرێت.

دەسەڵاتدارانی عێراق لە 15 ی مانگی دوو، ڕایانگەیاند لە ئەنجامی ئۆپەراسیۆنێکی هاوبەشی هەواڵگری عێراق و تورکیا و ئەمەریکا ئیسماعیل ئەلعیثاوی لە تورکیا دەستگیرکرا و گەڕێنرایەوە بۆ وڵات. عیثاوی تەمەن 55 ساڵ خەڵکی شاری ڕومادی پارێزگای ئەنبارەو لە ناو داعش بە ئەبو زەید ئەلعێراقی ناسرابوو.





ئەم هەواڵە 6544جار خوێندراوەتەوە
 
 
ڤیدیۆ گەلەری
فرۆکەوانێک بەم شێوەیە رێز لە مامۆستاکەی دەگرێت
کچێک بە موعجیزە رزگاری دەبێت
لە عێراق بەم شێوەیە ئاوی باران لادەدەن ، بە دڵنیایی دوو جار سەیری دەکەیەوە
چەند دیمەنێک لە لافاوەکە فەرەنسا
ڤیدیۆیی .. شەقامی خۆت و چانسی خۆت
 
 

پێناسە | گەلەری | ئەرشیف | پەیوەندی

پێبژاردنی پۆلیسی هاتووچۆ هەولێر | دهۆک | سلێمانی

هەموو مافەکان پارێزراون بۆ ئاژانسی هەواڵی زاگرۆس

Developed By: Omed Sherzad