English | عربی | Kurdî دواهەواڵ
ڕاستەوخۆ  
 
مەسرور بارزانی لەگەڵ شاندێکی باڵای سەربازی ئیتاڵیا کۆدەبێتەوە 
2018-09-19 [03:12 AM]

ZNA- ھەولێر 



ئەمڕۆ ١٩/٩/٢٠١٨ مەسرور بارزانی راوێژکاری ئەنجوومەنی ئاسایشی ھەرێمی کوردستان لەگەڵ نیکۆلا تێرزانۆ فەرماندەی ھێزەکانی ئیتاڵیا لە عێراق و شاندی یاوەری کۆبۆوە.


لەم کۆبوونەوەیەدا پەرەسەندنە سەربازییەکان و میکانیزمی نوێی مەشق و راھێنان بە ھێزەکانی پێشمەرگە تاوتوێکرا، پەیوەند بەو بابەتە مەسرور بارزانی سوپاسی حکوومەتی ئیتاڵیا و ھێزە ھاوپەیمانەکانی کرد بۆ ھاوکاری و پشتیوانییە سەربازییەکانیان، بەتایبەتی لە بواری مەشق و راھێنان بە ھێزەکانی پێشمەرگە، ھەروەھا تیشکی خستە سەر بەرنامەی چاکسازی و سەرلەنوی رێکخستنەوەی لیوا و یەکەکانی ھێزەکانی پێشمەرگە.
لەلای خۆیەوە فەرماندەی ھێزەکانی ئیتاڵیا لە عێراق، باسی لە چالاکیی ھێزەکانیان کرد و رایگەیاند، ئەوان وەک حکوومەتی ئیتاڵیا لە بەرنامەی مەشقکردن بە ھێزەکانی پێشمەرگە بە شێوازێکی نوێ و جۆرایەتی پێشکەوتووتر بەردەوام دەبێت، کە لەگەڵ قۆناغی ئێستای شەڕی تیرۆریستان بگونجێت.
ھەروەھا دووپاتی لەوە کردەوە، کە ئەوان جگە لە راھێنان، لە دابینکردنی کەلوپەل و پێداویستی سەربازی بۆ لیواکانی پێشمەرگە بەردەوام دەبن.


ی.ا
 





ئەم هەواڵە 4951جار خوێندراوەتەوە
 
 
ڤیدیۆ گەلەری
بەدڵنایی دوو جار سەیری دەکەیەوە ، منداڵێکی زۆر قشە
چەند دیمەنێکی لافاوی شاری شیراز لە ئێران
لە رووداوێکی ھاتووچۆ ئۆتۆمبێلێک دەفڕێت
منداڵێک لە ناو ئۆتۆمبێلی دایکی دەکەوێتە خوارەوە
ڤیدیۆیی .... بە ئاگر و شمشێر قژی ئافرەتان رێکدەخات
 
 

پێناسە | گەلەری | ئەرشیف | پەیوەندی

پێبژاردنی پۆلیسی هاتووچۆ هەولێر | دهۆک | سلێمانی

هەموو مافەکان پارێزراون بۆ ئاژانسی هەواڵی زاگرۆس

Developed By: Omed Sherzad