English | عربی | Kurdî دواهەواڵ
ڕاستەوخۆ  
 
وتەبێژی پارتی: پارتیمان بۆ پڕکردنەوەی پۆستی سەرۆک کۆماری عێراق کاندیدی خۆی دەبێت 
2018-09-19 [05:31 AM]

ZNA- ھەولێر 



وتەبێژی پارتی دیموکراتی کوردستان، لێدوانێکی دەربارەی پاڵاوتنی دکتۆر بەرھەم ساڵح بۆ پۆستی سەرۆک کۆمار لەلایەن یەکێتی نیشتمانی کوردستانەوە بڵاوکردەوە ئەمە دەقەکەیەتی:


ئێمە لە پارتی دیموکراتی کوردستان لە دوا کۆبوونەوەماندا لەگەڵ جێگری سکرتێری گشتی و بەرپرسی دەستەی کارگێری و ئەندامانی مەکتەبی سیاسی یەکێتی نیشتمانی، خواست و ھەوڵەکانمان بۆ ئەوە بوو وەک چۆن بە یەکگرتوویی و یەک بەرنامەیەیی لە بەغداین، ھەرواش بۆ پۆستی سەرۆک کۆمار لەسەر یەک کاندید رێکبکەوین، ھەروەھا وەکو ئیستحقاقی ھەڵبژاردن بەحەقی خۆمانزانی  پۆستی سەرۆک کۆمار کە چەند جارێکە لە لایەن یەکێتیەوە کاندیدی بۆ دیاری کراوە، ئەم جاریان لە لایەن پارتیمانەوە و بە کاندیدی پارتیمان پر بکرێتەوە، لەم بارەوەش پێشنیار و را گۆرینەوەمان ھەبووە، بڕیار وابوو برایانی یەکێتی دوای گەرانەوەیان بۆ کۆبوونەوەی مەکتەبی سیاسی ئاگادارمان بکەنەوە، بەڵام ئاگاداریان نەکردینەوە تا ئەمرۆ لە راگەیاندنەوەکانەوە بیستمان کە دکتۆر بەرھەم ساڵحیان دوای گەڕانەوەی بۆ ناو یەکێتی تاک لایانە بۆ پۆستی سەرۆک کۆمار پاڵاوتووە.
ئێمە وەکو پارتی دیموکراتی کوردستان رایدەگەیەنین کە پۆستی سەرۆکی کۆمار ئیستحقاقی گەلی کوردستانە و نابێ ھیچ لایەنێک تەنیا بە موڵکی خۆی بزانێت، بۆیە پارتیمان بۆ پڕکردنەوەی پۆستی سەرۆک کۆماری عێراق کاندیدی خۆی دەبێت.
مەحمود محەمەد
وتەبێژی پارتی دیموکراتی کوردستان





ئەم هەواڵە 3160جار خوێندراوەتەوە
 
 
ڤیدیۆ گەلەری
چەند دیمەنێک لە لافاوەکە فەرەنسا
ڤیدیۆیی .. شەقامی خۆت و چانسی خۆت
ڤیدیۆیی .. ساتی کوشتنی تارا فارس
ھەڵۆیەک ھەوڵی رفاندنی منداڵێک دەدات
چەند دیمەنێکی سامناکی زریان و گەردەلوولەکەی ئەمریکا
 
 

پێناسە | گەلەری | ئەرشیف | پەیوەندی

پێبژاردنی پۆلیسی هاتووچۆ هەولێر | دهۆک | سلێمانی

هەموو مافەکان پارێزراون بۆ ئاژانسی هەواڵی زاگرۆس

Developed By: Omed Sherzad