English | عربی | Kurdî دواهەواڵ
ڕاستەوخۆ  
 
جیهاد تەیب بەڕگارەی: دێ کارکەین بۆ پەسەندکرنا وان یاسایێن ماینە هەلاویستی
2018-09-21 [02:22 AM]

ZNA-دهۆک


بەربژێرێ ژمارە 22 لسەر لیستا 183یا پارتی راگەهاند: هەمی شیان ڤە دێ کارکەین بۆ پەسەندکرنا وان یاسایێن ماینە هەلاویستی ل پەرلەمانێ کوردستانێ.

جیهاد تەیب ئەحمد بەڕگارەی بەربژێرێ ژمارە 22 ل سەر لیستا 183یا پارتیا دیموکراتا کوردستانێ بۆ پەرلەمانێ کوردستان بۆ ئاژانسی هەواڵی زاگرۆس راگەهاند: بەرنامێ من ژ بلی بەرنامێ لیستا من بنیات نانا کوردستانەکا بهێز، دگەل وێ چەندێ ژی بەرنامێ من دێ خزمەت کرنا خەلکی کوردستانی بگشتی بیت، گەهاندنا گل و کازندێن خەلکی بۆ جهێن شولە ژی و بەرپرس بۆ وێ هندێ زێدەتر خزمەت کرنا خەلکێ خو، هەمان دەمدا پەسەندکرنا وان یاسایێن ماینە هەلاویستی.

بەڕگارەی هەر وەسا گۆت: دێ کارکەین پێناڤی دابینکرنا خزمەتێن زێدەتر بۆ پێشمەرگەهی و کەسوکارێن سەر بەرزێن شەهیدا و ئەنفال کریا، چونکە ئەڤانە یێ خو گۆری خاکا خو کری، وەکو چەپەر بەرسنگا دوژمنی یا گرتی یێ خو گوری کری پێخەمەت گەڵ و وەلاتێ و یێ پاراستی بیت ل دەستێن نەیار و داگیرکەران.

جیهاد بەڕگارەی بەربژێرێ ژمارە 22 ل سەر لیستا 183یا پارتیا دیموکراتا کوردستانێ دیار کر ژی: ئەز وەکو بەربژێرێ کوردستانێ بگشتی و دهۆکێ تایبەتی، دێ هەمی شیان ڤە دێ هەول دەم بۆ چارەسەرکرنا کێشا خانیێن زێدەکاڤی هاتینە ئاڤاکرن، بۆ وێ هندێ چارەسەریەکا ریشەی ئانکۆ تاپو بکەین چونکو پتریا وان هەژار و پێشمەرگەنە، لایەنێ گەشتو گوزاری دێ هەول دەین زێدەتر گڕنگی ب گەشت و گۆزاری بهێتە دانا ل کوردستانێ بگشتی و بەرێ گارێ بتایبەتی چونکە گەلەک جهێن گەشتیاری هەنە، تا نوکە وەکو پێتڤی گرنگی پێ نەهاتیە داین، گرنکی پێدانا وان خزمەت کرنا دەڤەرێیە ب تایبەتی، داهاتەکێ باشە بو کوردستانێ بگشتی.

بەربژێرێ ژمارە 22 لسەر لیستا 183یا پارتیا دیموکراتا کوردستانێ ئاشکەرا ژی کر: دێ د هەولدانێن بەردەوام دابین بۆ قەرەبۆکرنا زەرەمەندێن بومارانێن دەڤەرێن سنوری، و لادانا بارەگایێن پارتا کرێکارێن کوردستان(پەکەکە) ل نزیک جهێن نیشتەجێن خەلکی بۆ وێ هندێ خەلکێ مە یێ سڤیڵ نە بیتە قوربان و زەرەرمەند نەبیت ژ بومبارنکرنا فرۆکەیان و بشێت ب رەنگەکێ ئاسای بجیتە سەر جهـ وارێن خو بۆ هندێ مفای ژ بەرهەمێن کشتوکاڵی ژی وەرگرن.





ئەم هەواڵە 4852جار خوێندراوەتەوە
 
 
ڤیدیۆ گەلەری
فرۆکەوانێک بەم شێوەیە رێز لە مامۆستاکەی دەگرێت
کچێک بە موعجیزە رزگاری دەبێت
لە عێراق بەم شێوەیە ئاوی باران لادەدەن ، بە دڵنیایی دوو جار سەیری دەکەیەوە
چەند دیمەنێک لە لافاوەکە فەرەنسا
ڤیدیۆیی .. شەقامی خۆت و چانسی خۆت
 
 

پێناسە | گەلەری | ئەرشیف | پەیوەندی

پێبژاردنی پۆلیسی هاتووچۆ هەولێر | دهۆک | سلێمانی

هەموو مافەکان پارێزراون بۆ ئاژانسی هەواڵی زاگرۆس

Developed By: Omed Sherzad