English | عربی | Kurdî دواهەواڵ
ڕاستەوخۆ  
 
بۆ بەرهەم ساڵح ترسناکە؟
2018-09-22 [02:01 AM]

نووسینی: ئاسۆ حاجی


ئاساییە بەرهەم ساڵح دوای بڕیاری گەڕانەوەی بۆ ناو یەکێتی ببێتە جێگای مشتومڕ،هێرشی بکرێتە سەر و ڕەخنەی لێ بگیردرێ یان ستایش و بەخێرهاتنەوەی بکرێ،هەردوو وێنەکە واقیعی سیاسی کوردستان نیشان دەدەن کە بە داخەوە بەرهەمی ڕکابەری و ملشکاندنی حیزبایەتیە کە بیست و حەفت ساڵە کۆمەڵگەی ئێمەی پێ پەروەردە دەکرێ. ئەمن قەت ڕقم لە کەسەک نەبووە کە بیروڕای سیاسی لەگەڵ من جیاواز بووە و قەتیش باوەڕم بەوە نیە کە هەموو حەقیقەت لەلای منە بەڵکو باوەڕم بەوەیە کە حەقیقەت ڕێژەییە و بەشێک لەلای منە و بەشەکەی دیکەش لەلای بەرامبەرەکەمە،جا ئەگەر ڕێژەی لای بەرامبەرەکەم زۆر کەمتر بێ بەڵام لای من جێگای ڕێزگرتنە،بۆیە هەر شتێکم دەربارەی بەرهەم ساڵح یان هەر سیاسیەکی دیکەی کوردستان نووسی بێ لە ڕک ق باوەڕی سیاسیەوە سەرچاوەی نەگرتووە،بەڵکو زیاتر هەوڵدان بووە بۆ نیشاندانی ڕاستیەکان و خوێندەوەی واقیع و ئاشکرا کردنی ئەو شتانەی لە پشت پەردە دەگوزەرێن. بەر لە دوو ساڵ زیاتر باسی ئەوەم کرد کە یەکێتی لە دوو جیگرەوە بێ جگرەوەیە و ماڵی مام جەلال کە هێشتا خۆیان بە سۆشیال دیموکرات دادەنا و بانگەشەی دژایەتی دەسەڵاتی بنەماڵەیان دەکرد،گووتم کە ئەو بنەماڵەیە دەستهەڵات نادەنە کەس و یەکێتی پاڕچە دەبێ،دوای چەند مانگێکیش لە چوونەوەی ناوندی بڕیار ئەوەم نووسی کە بەرهەم ساڵح چیدیکە بێ دەنگ نابێ و جیادەبێتەوە، لە کاتی هەڵمەتی بانگەشەی هەڵبژاردنی پەڕلەمانی عێڕاقیش نووسیم کە بەرهەم ساڵح ئامادەیە لە بەرامبەر کورسیەک بگەڕێتەوە ناو یەکێتی. هەموو ئەو گێڕانەوەیە تەنها بۆ ئەوەم بوو بڵێم کە کاتێک دەڵێین بەرهەم ساڵح کەسێک نیە گەلی کوردستان باوەڕی خۆی پێ بسپێرێ و لە بەغدا نوێنەرایەتی بکات لە بۆشاییەوە سەرچاوە ناگرێ، بە کورتی و کرمانجی بەرهەم ساڵح پیاوێکی ترسناکە لە سەر ئایندەی پرسی نەتەوەیی و نیشتیمانی نەتەوەی کورد و خاکی کوردستان،چونکە لە سەت ساڵی رابردوو بەرهەم ساڵح یەکەمین کەسە کە جورئەت بکا و بە ئاشکرا بانگەشە بۆ ئەوە بکات کە پێویستە گەلی کورد پشت لە ماف و دروشمە نەتەوەیەکانی بکات و ڕوو بکاتە حوکمی ڕەشیدی بەغدا. ئەو بانگەشەیەی بەرهەم ساڵح بە ماوەیەکی کەم بوو دوای شازدەی ئۆکتۆبەر کە لە گووتارێکدا بە ناوی (دیدێک بۆ چارەسەری قەیرانە بەردەوامەکانی عێڕاق) بڵاوی کردەوە کە وەک مانیفێستۆی هاوپەیمانێتیەکەی تەماشا دەکرا هەربۆیەشە لە کۆنگرەی هاوپەیمانێتیەکەی هەمان داوای دووبارە کردەوە، لە سەت ساڵی ڕابردووشدا گەلی کورد و جیهانیش حوکمی ڕەشیدی بەغدای بەرامبەر کورد بینیوە کە بەرهەمەکەی کوشتنی زیاتر لە یەک ملیۆن مرۆڤی کوردستانی و داگیرکردنی نیشتیمانەکەیەتی.





ئەم هەواڵە 3685جار خوێندراوەتەوە
 
 
ڤیدیۆ گەلەری
چەند دیمەنێک لە لافاوەکە فەرەنسا
ڤیدیۆیی .. شەقامی خۆت و چانسی خۆت
ڤیدیۆیی .. ساتی کوشتنی تارا فارس
ھەڵۆیەک ھەوڵی رفاندنی منداڵێک دەدات
چەند دیمەنێکی سامناکی زریان و گەردەلوولەکەی ئەمریکا
 
 

پێناسە | گەلەری | ئەرشیف | پەیوەندی

پێبژاردنی پۆلیسی هاتووچۆ هەولێر | دهۆک | سلێمانی

هەموو مافەکان پارێزراون بۆ ئاژانسی هەواڵی زاگرۆس

Developed By: Omed Sherzad