English | عربی | Kurdî دواهەواڵ
ڕاستەوخۆ  
 
رێككه‌وتنی روسیا و توركیا شه‌ڕی ئیدلبی راگرتووه‌
2018-09-24 [05:53 AM]

ZNA – هه‌ولێر


رێککەوتنی نێوان رووسیا و تورکیا، بووه‌ هۆی ڕاگرتنی هێرشی حکوومەتی سووریای بۆ سەر شاری ئیدلب ،بەڵام گومان هەیە لەوەی ئەنقەرە بتوانێت وا لە گروپە جیهادییەکان بکات کە گوێڕایەڵی بن.

رۆژی دووشەممەی رابردوو، رووسیا و تورکیا لەسەر ئەوە رێککەوتن کە ناوچەیەکی دامێڵدراوی سەربازی بە دەوری ئیدلبدا دروستبکەن، بەوەی ئەو شارە دواین پێگەی چەکدارە یاخییەکانە و نزیکەی سێ ملیۆن هاووڵاتی تێدا دەژی.

بەگوێرەی رێککەوتنەکە، دەبێت گروپە جیهادییەکانی وەک تەحریر ئەلشام و چەند گروپێکی دیکە، تا 15ی تشرینی یەکەمی ئەمساڵ، لە رێگای دروستکردنی "رێڕەوێکی ئارام" شاری ئیدلب بەجێبهێڵن و پێش ئەوەش چەکە قورسەکانیان بەدەستەوە بدەن.

نەک تەنها ئەم گروپە جیهادییانە، بەڵکو دەبێت تەواوی گروپە ئۆپۆزسیۆن و یاخییەکان، بەوانەوەشەوە کە تورکیا پشتگیریان دەکات، تا 10ی تشرینی یەکەم چەکەکانیان رادەستی سوپای سووریا بکەن.

ئەو شوێنانەی کە بڕیارە بکرێنە ناوچەی ئارام، 70%ی خاکەکەی لە ژێر کۆنتڕۆڵی گروپە جیهادییەکانە، روانگەی سووری بۆ مافەکانی مرۆڤیش ئاشکرایکردووە، لە دوای رێککەوتنی رووسیا و تورکیا، ئەو گروپە جیهادییانە پێگەی خۆیان قایمتر کردووە لەوەی نیازیان هەبێت سووریا جێبهێڵن.

رۆژی شەممە، گروپی جیهادی حوراس ئەلدین، رەتیکردەوە بچێتە ژێر باری رێککەوتنی نێوان رووسیا و تورکیا، بەڵام ئەوەی تا ئێستا وەڵامی نەبووە، گروپی تەحریر ئەلشامە، کە گەورەترین گروپی جیهادییە لە ئیدلب.

 





ئەم هەواڵە 5461جار خوێندراوەتەوە
 
 
ڤیدیۆ گەلەری
فرۆکەوانێک بەم شێوەیە رێز لە مامۆستاکەی دەگرێت
کچێک بە موعجیزە رزگاری دەبێت
لە عێراق بەم شێوەیە ئاوی باران لادەدەن ، بە دڵنیایی دوو جار سەیری دەکەیەوە
چەند دیمەنێک لە لافاوەکە فەرەنسا
ڤیدیۆیی .. شەقامی خۆت و چانسی خۆت
 
 

پێناسە | گەلەری | ئەرشیف | پەیوەندی

پێبژاردنی پۆلیسی هاتووچۆ هەولێر | دهۆک | سلێمانی

هەموو مافەکان پارێزراون بۆ ئاژانسی هەواڵی زاگرۆس

Developed By: Omed Sherzad