English | عربی | Kurdî دواهەواڵ
ڕاستەوخۆ  
 
بارزانی: له‌باره‌ی كاندیدكردنی فواد حوسێن په‌یامێكی بڵاو كرده‌وه‌
2018-09-24 [07:40 AM]

ZNA – هه‌ولێر


له‌باره‌ی دیاری كردنی سه‌رۆك كۆماری عێراق له‌لایه‌ن پارتی دیموكراتی كوردستان، سه‌رۆك بارزانی په‌یامێكی بڵاوكرده‌وه‌ و رایگه‌یاند، بە باشم زانی كە د. فواد حوسێن بۆ ئەو پۆستە كاندید بكەم و بەهەموو توانایەك پشتیوانی لە فواد حوسێن دەكەین و هیوای سەركەوتنی بۆ دەخوازین.

بەناوی خودای بەخشندە و میهرەبان

 لەبارەی دیاریكردنی كاندیدی پارتی دیموكراتی كوردستان بۆ پۆستی سەرۆك كۆماری عێراق، پێمان خۆش دەبوو ئەگەر لایەنە كوردستانییەكان پێكەوە لەسەر یەك كەس ڕێككەوتبان، بەڵام بەداخەوە ئەمە ڕووی نەدا.

بۆ یەكلاییكردنەوەی ئەو بابەتەیش مەكتەبی سیاسی پارتی منی سەرپشك كرد كە كەسێك دیاری بكەم بۆ كاندیدبوونی بۆ پۆستی سەرۆك كۆمار.

بەهۆی توانایی و لێهاتوویی بە باشم زانی كە بەڕێز د. فواد حوسێن بۆ ئەو پۆستە كاندید بكەم. د. فواد حوسێن چ لە قۆناغی شۆڕشی ئەیلول و لە سەرۆكایەتیكردنی دیوانی سەرۆكایەتیی هەرێم و قۆناغەكانی تری ژیانی خۆی كەسێكی دڵسۆز و دەسپاك بووە و بڕوای تەواوم بە تواناكانی هەیە و قەناعەتیشم هەیە كە ئەركەكانی خۆی بە باشی جێبەجێ دەكات و لە پۆستی سەرۆكایەتیی كۆماردا هەم بۆ گەلی كوردستان و هەم بۆ عێراق و پێكهاتەكانی عێراق كەسێكی بەسوود و خەمخۆر دەبێ.

بەهەموو توانایەك پشتیوانی لە د. فواد حوسێن دەكەین و هیوای سەركەوتنی بۆ دەخوازین.

مسعود بارزانی

 24ـی 9ـی 2018





ئەم هەواڵە 2335جار خوێندراوەتەوە
 
 
ڤیدیۆ گەلەری
چەند دیمەنێک لە لافاوەکە فەرەنسا
ڤیدیۆیی .. شەقامی خۆت و چانسی خۆت
ڤیدیۆیی .. ساتی کوشتنی تارا فارس
ھەڵۆیەک ھەوڵی رفاندنی منداڵێک دەدات
چەند دیمەنێکی سامناکی زریان و گەردەلوولەکەی ئەمریکا
 
 

پێناسە | گەلەری | ئەرشیف | پەیوەندی

پێبژاردنی پۆلیسی هاتووچۆ هەولێر | دهۆک | سلێمانی

هەموو مافەکان پارێزراون بۆ ئاژانسی هەواڵی زاگرۆس

Developed By: Omed Sherzad