English | عربی | Kurdî دواهەواڵ
ڕاستەوخۆ  
 
عەزیز گۆران:دێ هەمی بزاڤاکەم کو هەمی خزمەتگوزاری پێشکێشی دەڤەرێ ببن
2018-09-24 [01:05 AM]

ZNA-دهۆک


بەربژێرەکێ پارتی دبێژیت،حکومەتا هەرێمێ تارادەکا باش خزمەت گوزاری پێشکێشی دەڤەرێ کرینە لێ بو خەلکێ مە نە دئاستێ پێتڤی دانە دڤێت پتر خزمەتگوزاری بودەڤەرێ بهێنە کرن.

عەزیز ئیبراهیم عەبدۆ گۆران بەربژێرێ ژمارە 49 لسەر لیستا183 یا پارتی بو پەرلەمانێ کوردستانێ بو ئاژانسی هەواڵی زاگروس راگەهاند،لیستا پارتی دیموکراتی کوردستان بەرنامەیەکێ دەولەمەند یێ دارێژتی ئەگەر هاتو مە متمانا خەلکی وەرگرت و ئەم گەهشتینە هوڵا پەرلەمانی بێ دوودلی دگەل هەڤالێتخو یێت پارتی ئەڤ پروژێ دەولەمەندێ لیستا183 یا پارتی دانای دێ جێبەجێ کەین.

عەزیز گوران خەلکێ قەزا بەردەرەشە و گوت، دەڤەرامە دەڤەرەکا کشتوکاڵی یە دێ لپەرلەمانێ کوردستانێ هەموو بزاڤێت من ئەو بن کولیژەکا کشتوکاڵی لقەزا بەردەرەش بهێتە ئاڤاکرن چنکی بەرهەمێ کشتوکالی یێ دەڤەرێ گەهشتیە وی ئاستی کو هاوردێ دەرڤەیی وەڵاتی دهێتە کرن.

بەربژێرێ پارتی گوتژی،حکومەتا هەرێمێ تارادەکا باش خزمەت گوزاری پێشکێشی دەڤەرێ کرینە لێ بو خەلکێ مە نە دئاستێ پێتڤی دانە دڤێت پتر خزمەتگوزاری بودەڤەرێ بهێنە کرن لەورا بزاڤامن دێ ئەوبیت هەموو خزمەتگوزاریەک بو قەزا بەردەرەش و دەوروبەرا بهێتەکرن، بتایبەت رێگاوبان و بتایبەت رێکا سەرەکی یا مابەینا بەردەرەش کەلەک بشێوەیەک باش بهێتە دروست کرن.

هەروەسا گۆران گوتژی، ل ئالیێ سروشت و سیماییڤە دەڤەرداریا بەردەرەش نەکێمترە ژ دەڤەرێن دیتر یێت کوردستانی و دیمەنەکێ جوانێ هەی و هەروەسا دکەفتە لێوارێ خازر و زێی گەورە و هەروەسا بنارێ چیای مەقلوب لەورا دێ بزاڤێ کەم قەزایا بەردەرەش بچیتە دناڤ پلانا گشتیا گەشت و گوزارێدا چونکی دشێت دبوارێ گەشتیاریدا گەشێ بکەت و ببتە سەرچاوێ داهاتەکێ ئابوری بوهەرێمێ.

عەزیز ئیبراهیم گۆران بەربژێرێ ژمارا49لسەر لیستا183یا پارتیە داخازدکەت، داخازێ ژخەلکێ خویێ هێژا دکەم 30ی9 بکەنە کەرنەڤاڵەکا جەماوەری و بچنە سەرسندوقێت دەنگ دانێ دەنگێ خو بدەنە لیستا شەهیدان لیستا گەنج و لاوان لیستا183یا پارتی دیموکراتی کوردستا.





ئەم هەواڵە 4471جار خوێندراوەتەوە
 
 
ڤیدیۆ گەلەری
فرۆکەوانێک بەم شێوەیە رێز لە مامۆستاکەی دەگرێت
کچێک بە موعجیزە رزگاری دەبێت
لە عێراق بەم شێوەیە ئاوی باران لادەدەن ، بە دڵنیایی دوو جار سەیری دەکەیەوە
چەند دیمەنێک لە لافاوەکە فەرەنسا
ڤیدیۆیی .. شەقامی خۆت و چانسی خۆت
 
 

پێناسە | گەلەری | ئەرشیف | پەیوەندی

پێبژاردنی پۆلیسی هاتووچۆ هەولێر | دهۆک | سلێمانی

هەموو مافەکان پارێزراون بۆ ئاژانسی هەواڵی زاگرۆس

Developed By: Omed Sherzad