2018-09-25 [02:39 AM]

سەرچاوەیەکی سیاسی بە میدیاکانی عێراقی راگەیاندووە، ئەگەر عەبادی نەتوانێت وەزارەتی داد بۆ حزبی فەزیلە دەستەبەر بکات، هاوپەیمانێتیی نەسر بە سەرۆکایەتی حەیدەر عەبادی رووبەڕووی لێکترازانی گەورە دەبێتەوە.

سەرچاوەکە گوتوویەتی، حزبی فەزیلە، کە یەکێکە لەلایەنەکانی ناو هاوپەیمانێتییەکەی عەبادی، داوای وەرگرتنی پۆستی وەزارەتی داد دەکات، مانەوەشی لەناو هاوپەیمانێتییەکەی عەبادی بە وەرگرتنی ئەم وەزارەتە بەندە.

پێشتر رێکخراوی عەتا بە سەرۆکایەتی فالح فەیاز، لەناو هاوپەیمانێتی نەسر هاتەدەرەوە و پەیوەندی بە هاوپەیمانێتی بوونیادنانەوە کرد، ئەمەش وایکرد ژمارەی کورسییەکانی هاوپەیمانێتیی نەسر داببەزێت.