English | عربی | Kurdî دواهەواڵ
ڕاستەوخۆ  
 
بەربژێرەک: دێ کارکەم پێناڤی زێدەتر گرنگی دان ب کەرتێ پیشەسازی و رەخساندنا درفەتێن کاری بۆ گەنجا
2018-09-26 [10:41 AM]

ZNA-دهۆک


بەربژێرەکێ لیستا 183یا پارتی راگەهاند: دێ کارکەین بۆ دەرکرنا یاسا و رێسایان، بۆ مەرج دار کرنا ئینانا کرێکارێن بیان، و گرنگیەکا زێدەتر ب کەرتێ پیشەسازی بهێتە داین.

بختیار شوکری سلێمان مسلمێنی بەربژێرێ ژمارە 20 ل سەر لیستا 183یا پارتیا دیموکراتا کوردستانێ بۆ پەرلەمانێ کوردستان بۆ ئاژانسی هەواڵی زاگرۆس راگەهاند: ئەگەر خەلکی ئەو باوەریە دا من و سەرکەفتین چوینە ناڤا هۆلا پەرلەمانێ کوردستانێ، بەرنامێ من ژ بلی بەرنامێ لیستا من بنیات نانا کوردستانەکا بهێز، دێ کارکەم بۆ هندێ نەهێلم پارێ مە بچیتە ژ دەرڤە هەر وەسا رەخساندنا دەلیڤێن کاری بۆ گەنجێ مە و بتایبەتی ئەو گەنجێ خاندن ب دوماهیک ئینا، هەمان دەمدا دێ گرنگیێ دەمە لایەنێ پیشەسازی ئەو ژی ب دانانا چەندین کارگەهێن جوراوجو بۆ هند بەرهەمێ ناڤخوی بهێتە ناڤا ڤان کارگەهاندا و جوتیارێ مە ژی زەرەرمەند نەبن.

هەروەسا گۆت: دێ بزاڤێ کەین کو بشێین کارگەهێن زێدەتر دابمەزرینین و جهێن تایبەت بۆ دەست نیشان بکەین، ئەڤ چەندە ژی دێ بیتە ئەگەرێ کێم بینا رێژەیا بێ کاری و هەمان دەمدا دێ بیتە هاندەر و پالپشت بۆ جوتیارێ مە کو هەول بدەت بەرهەمێ گشتوکاڵی زێدەتر لێبکەت.

بختیار شوکری سلێمان مسلمێنی بەربژێرێ ژمارە 20 ل سەر لیستا 183یا پارتیا دیموکراتا کوردستانێ دیار ژی کر: دێ کارکەین بۆ دەرکرنا یاسا و رێسایان، بۆ مەرج دار کرنا ئینانا کرێکارێن بیان، چونکە ئینانا ڤان کارێکارێن بیانی بۆ ناڤا کوردستانێ دێ بیتە ئەگەرێ بێکاری بۆ گەنجێ مە ل کوردستانێ، ئەگەر بۆ مە جهێ باوەریا خەلکێ کوردستان دێ هەمی شیان ڤە هەول دەم بۆ هندێ داکو زێدەتر دەرفەتێن کاری بۆ گەنجێ بێکارێ دەڤەرێ و کوردستانێ بگشتی برەخسیت.

وی بەربژێرێ پارتی گۆت ژی: هەر د هەمان بواردا دێ هەول دەین ل هەمی پارێزگەهێن کوردستانێ کوژمەکێ پارەی و دگەل دیار کرنا هندەک پارچێن ئەردی بۆ هندی بشێن پێشینەیێ پرۆژەیێن بچویک بدەینە گەنجان بۆ هندێ زێدەتر پروژەیێن پیشەسازی زێدەبن و هەمان دەمدا بێکاری ژی نەمینیت.

بختیار شوکری سلێمان مسلمێنی بەربژێرێ ژمارە 20 ل سەر لیستا 183یا پارتی دیموکراتا کوردستانێ هەر وەسا گۆت: ئەگەر پارتی یابهێزبیت واتا کوردستان بهێزە هەر بویە دەنگدان ب لیستا پارتیا دیموکراتا کوردستانێ دەنگدانە ب زامنکرنا ئارامی و ئاسایش و پاراستنا کوردستانێ یه‌ ده‌نگدانه‌ ب ده‌سكەفتێن زیاتر بۆ كوردستانێ.

 

اسماعیل حکیم





ئەم هەواڵە 2149جار خوێندراوەتەوە
 
 
ڤیدیۆ گەلەری
چەند دیمەنێک لە لافاوەکە فەرەنسا
ڤیدیۆیی .. شەقامی خۆت و چانسی خۆت
ڤیدیۆیی .. ساتی کوشتنی تارا فارس
ھەڵۆیەک ھەوڵی رفاندنی منداڵێک دەدات
چەند دیمەنێکی سامناکی زریان و گەردەلوولەکەی ئەمریکا
 
 

پێناسە | گەلەری | ئەرشیف | پەیوەندی

پێبژاردنی پۆلیسی هاتووچۆ هەولێر | دهۆک | سلێمانی

هەموو مافەکان پارێزراون بۆ ئاژانسی هەواڵی زاگرۆس

Developed By: Omed Sherzad