English | عربی | Kurdî دواهەواڵ
ڕاستەوخۆ  
 
دادگای تورکیا بڕیار لەسەر چارەنووسی قەشە ئەمەریکییەکە دەدات
2018-09-26 [11:21 AM]

ZNA -


 

سەرۆکی تورکیا ڕەجەب تەیب ئەردۆگان وتی دادگای تورکیا بڕیار لەسەر چارەنووسی قەشە ئەمەریکییەکە دەدات کە ئێستا لە تورکیا لە زینداندایە بە تۆمەتی تیرۆر، ئەمەش لە دۆسییەیەکدا کە گرژی خستۆتە نێو پەیوەندییەکانی نێوان ئەمەریکا و تورکیاوە.

 

 

ئەردۆگان وتی " وەکو سەرۆک هیچ مافێکی ئەوەم نیە بڕیار بدەم ئازاد بکرێت. دادگامان سەربەخۆیە، با چاوەڕێ بکەین و بزانین دادگا بڕیاری چی دەدات."

 

ئەردۆگان وتیشی " دۆسییەی برانسن هیچ پەیوەندییەکی بە ئابووری تورکیاوە نیە. لە ئێستادا زیادەڕۆیی دەکرێت لە کێشە داراییەکاندا و تورکیا بەسەر ئەو کێشانەدا زاڵ دەبێت."

 

وتیشی تورکیا سەرەڕای سزاکانی ئەمەریکا بۆ سەر ئێران، بەردەوام دەبێت لە کڕینی گازی سروشتی ئێرانی.

وەزیری دەرەوەی ئەمەریکا مایک پەمپیۆ وتی گەشبینە بەوەی تورکیا قەشە ئاندرو برانسن ئازاد دەکات لەم مانگەدا.

 

لە چاوپێکەوتنێکیدا لە نیویۆرک ئەردۆگان وتی هەر بڕیارێک دەربچێت سەبارەت بە برانسن لە دادگاوە دەردەچێت.

 

وتیشی " ئەمە کاری دادگایە. بە تۆمەتی تیرۆر برانسن دەستگیرکراوە. لە دوانزەی مانگی 10 دا دانیشتنێکی دیکە دەکرێت و نازانین دادگا بڕیار لەسەر چی دەدات و سیاسەتمەدارانیش هیچ قسەیەکیان نابێت لە فەرمانی دادگادا."

 

voa





ئەم هەواڵە 5320جار خوێندراوەتەوە
 
 
ڤیدیۆ گەلەری
فرۆکەوانێک بەم شێوەیە رێز لە مامۆستاکەی دەگرێت
کچێک بە موعجیزە رزگاری دەبێت
لە عێراق بەم شێوەیە ئاوی باران لادەدەن ، بە دڵنیایی دوو جار سەیری دەکەیەوە
چەند دیمەنێک لە لافاوەکە فەرەنسا
ڤیدیۆیی .. شەقامی خۆت و چانسی خۆت
 
 

پێناسە | گەلەری | ئەرشیف | پەیوەندی

پێبژاردنی پۆلیسی هاتووچۆ هەولێر | دهۆک | سلێمانی

هەموو مافەکان پارێزراون بۆ ئاژانسی هەواڵی زاگرۆس

Developed By: Omed Sherzad