English | عربی | Kurdî دواهەواڵ
ڕاستەوخۆ  
 
لایەنە عێراقییه‌كان پێشوازی له‌ كاندیده‌كه‌ی پارتی ده‌كه‌ن
2018-09-26 [03:23 AM]

ZNA - هەولێر


فوئاد حوسێن، كاندیدی پارتی دیموكراتی كوردستان و شاندێكی ئه‌و حزبه‌ له‌ به‌غدا، له‌گه‌ڵ هادی عامری، سه‌رۆكی هاوپه‌یمانی فه‌تح كۆبوونه‌وه‌ و ئه‌ندامێكی شانده‌كه‌ی پارتیش له‌ كۆبوونه‌وه‌كه‌ رایگه‌یاند، زۆربه‌ی هێزه‌ عێراقییه‌كان پێشوازی له‌ كاندیده‌كه‌ی پارتی ده‌كه‌ن، بۆ وه‌رگرتنی پۆستی سه‌رۆككۆماری عێراق.

شوان محه‌مه‌د ته‌ها، به‌رپرسی لقی پارتی له‌ به‌غدا و ئه‌ندامی شانده‌كه‌ له‌ باره‌ی ناوه‌ڕۆكی كۆبوونه‌وه‌كه‌، رایگەیاند كۆبوونه‌وه‌كان له‌ چوارچێوه‌ی هه‌وڵه‌كانی بۆ سه‌رخستنی كاندیده‌كه‌ی بۆ وه‌رگرتنی پۆستی سه‌رۆككۆمار، به‌رده‌وام ده‌بێت و هه‌ر ئه‌مڕۆش سه‌ردانی چه‌ند لایه‌نێكی دیكه‌ش ده‌كه‌ن.

بەرپرسی لقی پارتی لە بەغدا گوتی: به‌هۆی پێگه‌ی به‌هێزی پارتی له‌ هه‌رێمی كوردستان و له‌ سه‌ر ئاستی عێراقیش كه‌ حزبی یه‌كه‌مه‌، به‌شێك له‌لایه‌نه‌كان پێشوازی له‌ كاندیده‌كه‌ی پارتی ده‌كه‌ن و هه‌ندێكیش پێیانوایه‌، كورد یه‌ك كاندیدی هه‌بێت، بۆ ئه‌وه‌ی له‌ داهاتوو هیچ گرفتێكیان له‌گه‌ڵ لایه‌نه‌كانی دیكه‌ بۆ درووست نه‌بێت، كه‌ كاندیدیان هه‌یه‌.

بە گوتەی ئەم بەرپرسەی پارتی، ئه‌گه‌ر كاندیدی پارتی ببێته‌ سه‌رۆككۆمار، رۆڵی ئه‌رێنی ده‌بێت له‌ چاره‌سه‌ركردنی كێشه‌كانی نێوان هه‌ولێر و به‌غدا و پێشتریش ئه‌و هه‌وڵه‌ تاقینه‌كراوه‌ته‌وه‌.

شوان محەمەد راشیگه‌یاند، وه‌ك پێشنیازێك پێیانباشه‌، ته‌واوی فراكسیۆنه‌ كوردییه‌كان و په‌رله‌مانتاره‌ كورده‌كان له‌ به‌غدا، به‌ر له‌ كۆبوونه‌وه‌ی هه‌ڵبژاردنی كاندیدی سه‌رۆككۆمار، كۆببنه‌وه‌ و كه‌سێك له‌ناوخۆیان هه‌ڵبژێرن بۆ ئه‌وه‌ی ببێته‌ تاكه‌ كاندیدی كورد بۆ ئه‌و پۆسته‌.

 





ئەم هەواڵە 2314جار خوێندراوەتەوە
 
 
ڤیدیۆ گەلەری
چەند دیمەنێک لە لافاوەکە فەرەنسا
ڤیدیۆیی .. شەقامی خۆت و چانسی خۆت
ڤیدیۆیی .. ساتی کوشتنی تارا فارس
ھەڵۆیەک ھەوڵی رفاندنی منداڵێک دەدات
چەند دیمەنێکی سامناکی زریان و گەردەلوولەکەی ئەمریکا
 
 

پێناسە | گەلەری | ئەرشیف | پەیوەندی

پێبژاردنی پۆلیسی هاتووچۆ هەولێر | دهۆک | سلێمانی

هەموو مافەکان پارێزراون بۆ ئاژانسی هەواڵی زاگرۆس

Developed By: Omed Sherzad