English | عربی | Kurdî دواهەواڵ
ڕاستەوخۆ  
 
نێچیرڤان بارزانی له‌گه‌ڵ پێشمه‌رگه‌ و هێزه‌كانى ناوخۆ و ئه‌نجومه‌نی ئاسایش كۆبووه‌وه‌
2018-09-27 [12:37 PM]

ZNA - هه‌ولێر


 

سه‌رله‌به‌یانیی ئه‌مڕۆ پێنجشه‌ممه‌ 27/9/2018 به‌ڕێز نێچیرڤان بارزانی سه‌رۆك وه‌زیرانی هه‌رێمی كوردستان، كۆبوونه‌وه‌یه‌كی فراوانی له‌گه‌ڵ پێشمه‌رگه‌، هێزه‌كانى ناوخۆ و ئه‌نجومه‌نی ئاسایشی هه‌رێمی كوردستان ئه‌نجام دا‌.

له‌ كۆبوونه‌وه‌كه‌دا به‌ڕێز سه‌رۆك وه‌زیرانی هه‌رێمی كوردستان وته‌یه‌كی پێشكه‌ش كرد و تیایدا باسی ڕه‌وشی ئاسایشی هه‌رێمی كوردستانی كرد. له‌مباره‌یه‌وه‌ ده‌ستخۆشی له‌ پێشمه‌رگه‌ و هه‌موو هێزه‌ چه‌كداره‌كان و هێزه‌كانی ناوخۆ و ئه‌نجومه‌نی ئاسایش كرد كه‌ قاره‌مانانه‌ توانیویانه‌ به‌رگری له‌ كوردستان بكه‌ن و ڕێگه‌ نه‌ده‌ن و سه‌قامگیریی ئاسایشی هه‌رێمی كوردستان ئاڵۆز بكرێت چ‌ له‌ به‌ره‌كانی جه‌نگ و چ له‌ پاراستنی ئاسایشی ناوخۆی هه‌رێمی كوردستان، ئه‌مه‌شی به‌‌ جێگه‌ی ڕێز و پێزانین و سه‌ربه‌رزیی هه‌موو تاكێكی كوردستان وه‌سف كرد‌.

له‌ به‌شێكی دیكه‌ی قسه‌كانیدا به‌ڕێزیان هه‌وڵ و شه‌ونخوونییه‌كانی هێزه‌كانی ئاسایش و پۆلیسی بۆ پاراستنی ئاسایشی هه‌رێم و هاووڵاتیانی هه‌رێمی كوردستان له‌ كاتی هه‌ڵمه‌تی هه‌ڵبژاردنی په‌رله‌مانی كوردستاندا له‌ چه‌ند هه‌فته‌ی ڕابردوودا به‌رز نرخاند، هه‌روه‌ها هیوای خواست له‌ ڕۆژانی داهاتووشدا به‌تایبه‌تی له‌ ڕۆژی ده‌نگدان بۆ هه‌ڵبژاردنی په‌رله‌مانی كوردستان له‌ به‌رواری 30/9/2018، هه‌مان ڕۆڵیان هه‌بێت به‌مه‌به‌ستی پاراستنی ئاسایش و سه‌ر و گیانی هاووڵاتیان به‌گشتی.

به‌ڕێزیان به‌ پێویستی زانی هه‌موولایه‌ك هاوكار بن پرۆسه‌ی ده‌نگدان زۆر سه‌ركه‌وتووانه‌ كۆتایی بێت و ببێته‌ نموونه‌یه‌كی سه‌ركه‌وتووی دیموكراسی دیكه‌ له‌ هه‌رێمی كوردستاندا.





ئەم هەواڵە 6148جار خوێندراوەتەوە
 
 
ڤیدیۆ گەلەری
فرۆکەوانێک بەم شێوەیە رێز لە مامۆستاکەی دەگرێت
کچێک بە موعجیزە رزگاری دەبێت
لە عێراق بەم شێوەیە ئاوی باران لادەدەن ، بە دڵنیایی دوو جار سەیری دەکەیەوە
چەند دیمەنێک لە لافاوەکە فەرەنسا
ڤیدیۆیی .. شەقامی خۆت و چانسی خۆت
 
 

پێناسە | گەلەری | ئەرشیف | پەیوەندی

پێبژاردنی پۆلیسی هاتووچۆ هەولێر | دهۆک | سلێمانی

هەموو مافەکان پارێزراون بۆ ئاژانسی هەواڵی زاگرۆس

Developed By: Omed Sherzad