English | عربی | Kurdî دواهەواڵ
ڕاستەوخۆ  
 
ئەوروپا بەردەوام دەبێت لەكاری بازرگانی لەگەڵ ئێران و ناچێتە ژێر باری ئەمەریكا
2018-09-29 [05:42 AM]

ZNA – هەولێر


پێش سەپاندنی بەشی دووەمی سزاکان ئەمەریکا بەسەر ئێراندا، ئێران و ئەوروپا دەیانەوێت رێرەوێکی بازرگانی دروستبکەن تاکو هەردوولا بتوانن بەردەوام بن  لە مامەڵە بازرگانییەکانیانی نێوانیان.

رۆژی دووشەممەی رابردوو، فێردریكا مۆگرینی، بەرپرسی پەیوەندییەکانی دەرەوەی یەکێتی ئەوروپا، لە میانی بەڕێوەچوونی کۆڕی گشتی نەتەوە یەکگرتووەکان لە ئەمەریکا، دڵنیایی دایە ئێران و رایگەیاند، پێش هاتنی تشرینی دووەمی ئەمساڵ، یەکێتی ئەوروپا و ئێران لەسەر میکانیزمێکی هاوبەش رێکدەکەون کە  تایبەتە بە ئاسانکردنی پرۆسە  گواستنەوەی پارە و بازرگانیکردن.

هەروەها سەید عەباس عەراقچی، جێگری وەزیری دەرەوەی ئێران، لە لێدوانێکیدا بۆ ئاژانسی ئیرنا ئاشکرایکرد: "بەگوێرەی دانوستانمان لەگەڵ ئەوروپییەکان، میکانیزمی هاوبەشی بانکی و گواستنەوەی پارە پێش سەپاندنی سزاکانی ئەمەریکا بەکاردەخرێت".

ئەوروپا سوورە لەسەر ئەوەی دەست بە رێککەوتننامەی ئەتۆمی ئێرانەوە بگرێت و خۆی بە دوور بگرێت لە ئابڵووقەکانی سەر تاران، بەڵام دۆناڵد ترەمپ، سەرۆکی ئەمریکا، دوپاتیکردۆتەوە کە 4ی تشرینی دووەمی ئەمساڵ، بەشی دووەمی سزاکانی بەسەر ئێراندا دەسەپێنێت.

 





ئەم هەواڵە 796جار خوێندراوەتەوە
 
 
ڤیدیۆ گەلەری
چەند دیمەنێک لە لافاوەکە فەرەنسا
ڤیدیۆیی .. شەقامی خۆت و چانسی خۆت
ڤیدیۆیی .. ساتی کوشتنی تارا فارس
ھەڵۆیەک ھەوڵی رفاندنی منداڵێک دەدات
چەند دیمەنێکی سامناکی زریان و گەردەلوولەکەی ئەمریکا
 
 

پێناسە | گەلەری | ئەرشیف | پەیوەندی

پێبژاردنی پۆلیسی هاتووچۆ هەولێر | دهۆک | سلێمانی

هەموو مافەکان پارێزراون بۆ ئاژانسی هەواڵی زاگرۆس

Developed By: Omed Sherzad