English | عربی | Kurdî دواهەواڵ
ڕاستەوخۆ  
 
ئێران بەتۆمەتی گەندەڵی سزای لەسێدارەدانی بۆ سێ كەس دەركرد
2018-10-01 [06:51 AM]

ZNA - هەولێر


گوتەبێژی دەزگای دادوەریی ئێران ئاشكرای كرد، دادگای تایبەت بە گەندەڵیی ئابووری لەو وڵاتە سزای سێدارەی بەسەر سێ کەسدا سەپاندووە و 32 کەسی دیکەش زیندانی درێژخایەنیان بۆ بڕاوەتەوە.

رۆژی یەکشەممە 2018.9.30، غوڵام حوسێن موحنسی ئێژەیی، گوتەبێژی دەزگای دادوەریی ئێران بە میدیاکانی ڕاگەیاندووە: "سێ کەس بە تاوانی "موفسد فی ئەرز" واتە دژایەتیکردنی خوا و هەڵگەڕاوە و تێکدانی بارودۆخی ئابووریی وڵات، سزای سێدارەیان بۆ بڕاوەتەوە و بۆ پەسەندکردن ڕەوانەی دادگای باڵا کراون".

بە گوتەی ئەو بەرپرسە باڵایەی ئێران، هاوکات لەگەڵ ئەو سێ کەسە، 32 کەسی دیکەش زیندانی درێژخایەنیان بۆ بڕاوەتەوە.

دادگای تایبەت بە گەندەڵیی ئابووری هاوینی ئەمساڵ و پاش سەرهەڵدانی قەیرانی ئابووری و تێکچوونی ڕەوشی بازار، لەسەر داوای سەرۆکی دەزگای دادوەرییەوە دامەزراوە و عەلی خامنەیی ڕێبەری ئێرانیش پەسەندی کردووە.

ئەو سزایانەی لەو دادگایە دەدرێت، بێجگەلە لە سێدارە، دەستبەجێ جێبەجێ دەکرێن و سزای سێدارەش، ١٠ ڕۆژ مۆڵەتی پێ دەدرێت هەتا ناڕەزایی دەرببڕێت و دوایی ڕەوانەی دادگای باڵا دەکرێت".

 





ئەم هەواڵە 1768جار خوێندراوەتەوە
 
 
ڤیدیۆ گەلەری
چەند دیمەنێک لە لافاوەکە فەرەنسا
ڤیدیۆیی .. شەقامی خۆت و چانسی خۆت
ڤیدیۆیی .. ساتی کوشتنی تارا فارس
ھەڵۆیەک ھەوڵی رفاندنی منداڵێک دەدات
چەند دیمەنێکی سامناکی زریان و گەردەلوولەکەی ئەمریکا
 
 

پێناسە | گەلەری | ئەرشیف | پەیوەندی

پێبژاردنی پۆلیسی هاتووچۆ هەولێر | دهۆک | سلێمانی

هەموو مافەکان پارێزراون بۆ ئاژانسی هەواڵی زاگرۆس

Developed By: Omed Sherzad