English | عربی | Kurdî دواهەواڵ
ڕاستەوخۆ  
 
ڕۆژنامه‌نووسێكی سعودیه‌ له‌ توركیا دیارنامێنێت
2018-10-07 [05:43 AM]

​ZNA – هه‌ولێر


رۆژنامەنووسێكی سعوودییەی پێنج رۆژ لەمەوبەر لە کونسوڵخانەی سعوودییە لە ئیستانبوڵ دیار نەما و دەنگۆی کوژرانی لەناو کونسوڵخانە بڵاودەکرێتەوە.

سەرچاوەیەکی پۆلیسی تورکیا بە ئاژانسی هەواڵی رۆیتەرزی گوتووە: "زانیارییە سەرەتاییەکان ده‌ریده‌خه‌ن جەمال خاشقجی، لەناو کونسوڵخانەی سعوودییە کوژراوە و دواتر تەرمەکەی بۆ دەرەوەی کونسوڵخانە گوازراوەتەوە".

خاشقجی یەکێکە لە رۆژنامەنووسە دیارەکانی وڵاتی سعوودیە کە رەخنەی لە دەسەڵاتدارانی وڵاتەکەی گرتووە و لە ئەمەریکا ژیاوە، رۆژی سێشەممەی رابردوو سەردانی کونسوڵخانەی سعوودییە لە تورکیا دەکات بۆ بەدەستهێنانی چەند بەڵگەیەکی پێویست تاکو بتوانێت ژیانی هاوسەرگیری پێک بهێنێت، بەڵام دوای چوونی بۆ کونسوڵخانە، دیار نەماوە.

سعوودییە کوشتنی ئەو رۆژنامەنووسەی بەدرۆخستۆتە و دەڵێت ئەو هەواڵانە بێ بنەمان، لە ئێستاشدا، ئەو وڵاتە عەرەبییە چەند لێکۆڵەرێکی ناردووە تاکو هۆکاری دیارنەمانی ئەو رۆژنامەنووسە بزانن.

پۆلیسی تورکیا ئاشکرایکردووە، لەهەمان ئەو رۆژەی جەمال چۆتە کونسوڵخانە، 15 هاووڵاتی سعوودیی بە دوو فڕۆکە گەیشتوونەتە ئیستانبوڵ و سەردانی کونسوڵخانەی سعوودییەیان کردووە و دواتریش راستەوخۆ گەڕاونەتەوە سعوودییە.

محەمەد بن سەلمان، شازادەی جێنشینی سعوودییە رایگەیاندووە، وڵاتەکەی رێگە دەدات پۆلیسی تورکیا بۆ لێکۆڵینەوە بچنە ناو کونسوڵخانەی سعوودییە لە ئیستانبوڵ، بەڵام یاسین ئەکتای، هاوڕێی جەمال و راوێژکاری سەرۆک کۆماری تورکیا، لە لێدوانێکی بۆ تەلەڤزیۆنی ئەلجەزیرە گووتی: "ئێمە روونکردنەوەیەکی قایلکەرمان لە سعوودییە دەوێت، ئەوەی شازادە پێشکەشی کردووە، قایلکەر نیە".

 





ئەم هەواڵە 541جار خوێندراوەتەوە
 
 
ڤیدیۆ گەلەری
چەند دیمەنێک لە لافاوەکە فەرەنسا
ڤیدیۆیی .. شەقامی خۆت و چانسی خۆت
ڤیدیۆیی .. ساتی کوشتنی تارا فارس
ھەڵۆیەک ھەوڵی رفاندنی منداڵێک دەدات
چەند دیمەنێکی سامناکی زریان و گەردەلوولەکەی ئەمریکا
 
 

پێناسە | گەلەری | ئەرشیف | پەیوەندی

پێبژاردنی پۆلیسی هاتووچۆ هەولێر | دهۆک | سلێمانی

هەموو مافەکان پارێزراون بۆ ئاژانسی هەواڵی زاگرۆس

Developed By: Omed Sherzad