English | عربی | Kurdî دواهەواڵ
ڕاستەوخۆ  
 
وەزارەتی دارایی بڕیارێکی نوێی لەبارەی مووچە دەرکرد
2018-10-08 [05:46 AM]

ZNA-هەولێر


وەزارەتی دارایی جیاوازی مووچەی مانگەکانی ساڵی 2017 دەداتەوە بە فەرمانبەران و بە گوێرەی بڕیارەکە، ئەمساڵ مانگانە ئەو جیاوازییە خەرج دەکرێت.

بەپێی نووسراوێکی وەزارەتی دارایی و ئابووریی حکوومەتی ھەرێمی کوردستان کە واژۆی رێباز حەملان، وەزیری دارایی و ئابووری لەسەرە، بڕی پارەی خەرجنەکراوی مانگەکانی ساڵی (2017)ـی فەرمانبەران، کە خراوەتە سەر مووچەی مانگی 12ـی ھەمان ساڵ و پێیان نەدراوە، لەگەڵ مووچەی مانگەکانی داھاتووی ساڵی 2018، بۆ فەرمانبەران خەرج دەکرێتەوە.

لە بەشێکی نووسراوەکەی وەزارەتی دارایی و ئابووری، کە رۆژی 4/10/2018 دەرچووە و ئەمڕۆ یەکشەممە بڵاو کراوەتەوە، تێیدا ھاتووە: "بەھۆی پاشەکەوتکردنی مووچەی مانگی کانوونی یەکەم (12)ـی ساڵی 2017 پێتان رادەگەیێنین، سەرجەم ئەو جیاوازی مووچانە بۆ مانگەکانی ساڵی 2017 دەگەڕێتەوە و لەگەڵ لیستی مووچەی مانگی کانوونی یەکەمی ساڵی 2017 بۆ فەرمانبەران و مووچەخۆران بەستراوە، خەرجبکرێتەوە بە لیستی جیا و لە کاتی دابەشکردنی مووچەی مانگانە بە رەچاوکردنی ئەم خاڵانەی خوارەوە:

یەکەم: بۆ دامودەزگاکانی مەڵبەندی:

بڕی جیاوازییەکە لە پاشکەوتی مووچەی مووچە خۆران خەرجبکرێتەوە کە لەلایەن گەنجینەی پەیوەندیدارەوە وەکو بارمتە تۆمار کراوە.

دووەم: بۆ دامودەزگاکانی نا مەڵبەندی:

بڕی جیاوازییەکە لە پاشکەوتی مووچەخۆران خەرجبکرێتەوە کە بە بارمتە دانراوە بە بەڵگەنامەی خەرجکردن و بە مەرجێک لەسەر بوودجەی ساڵی 2017 جێگیر کرابێت.

سێیەم: ئەم رێنماییە لە رۆژی دەرچوونییەوە کاری پێ دەکرێت و لە رۆژنامەی وەقایعی کوردستان بڵاو دەکرێتەوە.





ئەم هەواڵە 29140جار خوێندراوەتەوە
 
 
ڤیدیۆ گەلەری
فرۆکەوانێک بەم شێوەیە رێز لە مامۆستاکەی دەگرێت
کچێک بە موعجیزە رزگاری دەبێت
لە عێراق بەم شێوەیە ئاوی باران لادەدەن ، بە دڵنیایی دوو جار سەیری دەکەیەوە
چەند دیمەنێک لە لافاوەکە فەرەنسا
ڤیدیۆیی .. شەقامی خۆت و چانسی خۆت
 
 

پێناسە | گەلەری | ئەرشیف | پەیوەندی

پێبژاردنی پۆلیسی هاتووچۆ هەولێر | دهۆک | سلێمانی

هەموو مافەکان پارێزراون بۆ ئاژانسی هەواڵی زاگرۆس

Developed By: Omed Sherzad