English | عربی | Kurdî دواهەواڵ
ڕاستەوخۆ  
 
هەولێر... پڕۆژەی شەمەندەفەری كارەبایی دەدرێتە كەرتی تایبەت
2018-10-09 [06:16 AM]

​ZNA - هەولێر


 دواى 7 ساڵ لە تەواوكردنی دیزاینەكەی بڕیارە پڕۆژەی شەمەندەفەری كارەبایی كە ناسراوە بە ترام، بدرێتە كەرتی تایبەت بۆ ئەنجامدانی.هاوكات پڕۆژەكە پێشكەشی چەند كۆمپانیایەكی گەورە كراوە.

بەپێی هەندێك زانیاری پڕۆژەی ترام لە هەولێر ئامادەكراوە بۆ ئەوەی بدرێتە كەرتی تایبەت. دیزاینی پرۆژەی ترام (شەمەندەفەری كارەبایی) لە شاری هەولێر لەلایەن کۆمپانیای FG Tecnopol )) ی ئیتاڵی كاتی خۆی لە ساڵی 2011 تەواو كراوە بەپێی گرێبەستی نێوان وەزارەتی گواستنەوە و گەیاندن و کۆمپانیای ئیتاڵیەكە تێچووی دیزاینەكە 2  ملیار و 599 ملیۆن دینار بووە.

بەپێی زانیاریەكان بە هەمان نەخشە و دیزایین پڕۆژەكە ئامادەكراوە بدرێتە كەرتی تایبەت كە درێژی پڕۆژەكە نزیكەی 80 كیلۆمەترە و یەكێكە لە پڕۆژە ستراتیژیەكانی هاتووچۆ.

سەرچاوەیەك لە پارێزگای هەولێر بە باسی راگەیاند: ترام پڕۆژەیەكی هاتوچۆیە كە ماستەرپلانەكەی بۆ كراوە لەلایەن كۆمپانیایەكی ئیتاڵی كە درێژی ئەو پڕۆژە هاتوچۆییە 80 كیلۆمەترە، گوتی:" بەڵام لەبەر نەبوونی بودجەی پێویست پڕۆژەكە دواكەوتووە، ئێستا دووبارە خراوەتەڕوو بۆ ئەوەی لە رێگای كەرتی تایبەت و وەبەرهێنانەوە جێبەجێ بكرێت، بۆ ئەو مەبەستەش پێشكەشی چەند كۆمپانیایەكی گەورە كراوە.

 سەلاح جەوهەر، بەرێوەبەری گشتی گواستنەوە و گەیاندن بە هەمان سەرچاوەی گوت:  پڕۆژەی ترامی هەولێر دووبارە خراوەتەروو بۆ ئەوەی بدرێتە كەرتی تایبەت، " لە ماوەی رابردوودا ئەو پڕۆژەیە پێشكەشی كۆمپانیایەكی ئۆكڕانی كرا، ئەوان ئامادەیی خۆیان پیشاندا بۆ جێبەجێبەجێكردنی پڕۆژەكە، دیزایینەكەیان پێدراوە و چاوەڕوانی وەڵامی ئەوانین".

ئاماژەی بەوەشدا حكوومەت جدییە لە پێدانی پڕۆژەكە بە كەرتی تایبەت، گوتیشی:" لەگەڵ چەندین كۆمپانیا كۆبونەوە و قسەمان كردووە، كۆمپانیاكان دەیانەوێت حكوومەت هاوبەش بێت لە پڕۆژەكە و نایانەوێت بە تەنیا خۆیان ملیارێك دۆلار خەرج بكەن بەڵكو دەیانەوێت حكوومەتیش هاوبەش بێت".

لە بارەی وردەكاری پڕۆژەكە بەرپرسەكەی وەزارەتی گواستنەوە گوتیشی:" پڕۆژەكە چوار هیڵە كە درێژیەكەی 77 كیلۆمەترە، هەروەها بە بازنەیش 25 كیلۆمەترە كە بەیەكەوەیان دەبەستێتەوە، پڕۆژەكە بە چەند قۆناغێك ئەنجام دەدرێت".

سەلاح جەوهەر،روونی كردەوە ئەو پڕۆەیە یەكێكە لە پڕۆژە ستراتیژیەكان و بەشێكیی گرنگیش دەبێت لە كەمكردنەوەی قەرەباڵغی و جەنجاڵی هاتووچۆ.





ئەم هەواڵە 13444جار خوێندراوەتەوە
 
 
ڤیدیۆ گەلەری
فرۆکەوانێک بەم شێوەیە رێز لە مامۆستاکەی دەگرێت
کچێک بە موعجیزە رزگاری دەبێت
لە عێراق بەم شێوەیە ئاوی باران لادەدەن ، بە دڵنیایی دوو جار سەیری دەکەیەوە
چەند دیمەنێک لە لافاوەکە فەرەنسا
ڤیدیۆیی .. شەقامی خۆت و چانسی خۆت
 
 

پێناسە | گەلەری | ئەرشیف | پەیوەندی

پێبژاردنی پۆلیسی هاتووچۆ هەولێر | دهۆک | سلێمانی

هەموو مافەکان پارێزراون بۆ ئاژانسی هەواڵی زاگرۆس

Developed By: Omed Sherzad