English | عربی | Kurdî دواهەواڵ
ڕاستەوخۆ  
 
روونکردنەوەیەک لەبارەی دابەش کردنی مووچەی مانگی داھاتوو 
2018-10-14 [12:22 PM]

ZNA – ھەولێر 



لیژنەی باڵای تۆماری بایۆمەتری ھەرێمی کوردستان راگەیێندراوێکی لەبارەی دابەشکردنی مووچەی مانگی داھاتوو (تشرینی دووەم) بڵاوکردەوە و رایدەگەیێنێت، دابەشکردنی مووچەی کەسوکاری شەھیدان، ئەنفالکراون و زیندانیانی سیاسی لەسەر بنەمای بایۆمەتری دەبێت.

لە بەشێکی راگەیێندراوەکەدا لەبارەی چۆنییەتی دابەشکردنی مووچەی ئەم توێژانە (کەسوکاری شەھیدان، ئەنفالکراون و زیندانیانی سیاسی) ھاتووە: "داوا دەکەین، بارکۆدەکانیان بەزووترین کات بگەیێنە بەڕێوەبەرایەتییەکانی سەر بە وەزارەتیان، بە پێچەوانەوە بەپێی بڕیاری ١١١ـی ئەنجوومەنی وەزیران کە لە ١٢-٦-٢٠١٧ دەرچووە، مووچەکانیان لە مانگی داھاتوو رادەگیرێت".

لیژنەی باڵای تۆماری بایۆمەتری ھەرێمی کوردستان ئاماژە بەوەش دەکات، بۆ ئەم مەبەستە وەزارەتی کاروباری شەھیدان و ئەنفالکراوان راسپێردراوە کە ھاوکاربێت لە جێبەجێکردنی ئەم بڕیارە.

دەقی راگەیێندراوەکە لیژنەی باڵای تۆماری بایۆمەتری

لیژنەی باڵای تۆماری بایۆمەتری مووچەخۆرانی ھەرێمی کوردستان، گشت کەسوکاری سەربەرزی شەھیدان و ئەنفالکراون و زیندانیانی سیاسی، ئاگاداردەکاتەوە کە دابەشکردنی مووچەی مانگی داھاتووی ئەو توێژانە، کە دەکەوێتە مانگی (١١ تشرینی دووەم)، لەسەر بنەمای بایۆمەتری دەبێت، بۆیە داوا لە مووچەخۆرانی کەسوکاری سەربەرزی شەھیدان و ئەنفالکراون و زیندانیانی سیاسی دەکەین کە بارکۆدەکانیان بە زووترین کات بگەیەنە بەڕێوەبەرایەتیەکانی سەر بە وەزارەتیان، بە پێچەوانەوە مووچەکانیان لە مانگی داھاتوو رادەگیرێت بەپێی بڕیاری ١١١ی ئەنجوومەنی وەزیران کە لە بەرواری ١٢/٦/٢٠١٧  دەرچووە.  

بۆ ئەو مەبەستەش بەڕێز وەزارەتی کاروباری شەھیدان و ئەنفالکراوان راسپێردراوە کە ھاوکار بێت لە جێبەجێکردنی ئەم بڕیارە.

لیژنەی باڵای تۆماری بایۆمەتری
١٤ی تشرینی یەکەمی ٢٠١٨


یاسین ئەحمەد 
 





ئەم هەواڵە 25480جار خوێندراوەتەوە
 
 
ڤیدیۆ گەلەری
ڤیدیۆیی .... بە ئاگر و شمشێر قژی ئافرەتان رێکدەخات
فرۆکەوانێک بەم شێوەیە رێز لە مامۆستاکەی دەگرێت
کچێک بە موعجیزە رزگاری دەبێت
لە عێراق بەم شێوەیە ئاوی باران لادەدەن ، بە دڵنیایی دوو جار سەیری دەکەیەوە
چەند دیمەنێک لە لافاوەکە فەرەنسا
 
 

پێناسە | گەلەری | ئەرشیف | پەیوەندی

پێبژاردنی پۆلیسی هاتووچۆ هەولێر | دهۆک | سلێمانی

هەموو مافەکان پارێزراون بۆ ئاژانسی هەواڵی زاگرۆس

Developed By: Omed Sherzad