English | عربی | Kurdî دواهەواڵ
ڕاستەوخۆ  
 
حەوت هەزار یەكەی نیشتەجێبوون بۆ مامۆستایان دروست دەكرێت
2018-10-16 [05:29 AM]

​ZNA هەولێر


بڕیارە چەند پڕۆژەیەكی یەكەی نیشتەجێبوونی مامۆستایان دەست بەكار بكاتەوە، گرێبەستیش كراوە بۆ دروستكردنی نزیكەی حەوت هەزار یەكەی نیشتەجێبوون بۆ مامۆستایان.

ئەحمەد سابیر گەرمیانی، سەرۆكی یەكێتی مامۆستایانی كوردستان بە باسی ڕاگەیاند: كۆمەڵێك پڕۆژەی نیشتەجێبوون هەیە بۆ مامۆستایان، لە هەریر و رانیە و عەربەت و قەڵادزێ و شێخان نزیكەی 7 هەزار یەكەی نیشتەجێبوون دروست دەكرێن و تەنیا ماوە حكوومەت رەزامەندی بدات و دەست بەجێبەجێكردنیان بكرێت".

ئەو ئاماژەی بەوەدا لە ماوەی رابردوودا بەهۆی رووداوەكانی هەرێمی كوردستان و قەیرانی دارایی لەو شوێنانە پڕۆژەكان نەكران، حكوومەت زەوی پێدابوون و رەزامەندی دابوو، بەڵام بەهۆی رووداوەكان راگیران، پاشان ئێمە لەگەڵ كۆمپانیایەك رێكەوتین بۆ ئەوەی ئەو پڕۆژانە بۆ مامۆستایان ئەنجام بدرێن نوسراوەكان گەیشتنە دەستەی وەبەرهێنان ئەوانیش پەسندیان كرد،چاوەڕوانی رەزامەندی ئەنجومەنی باڵای وەبەرهێنانین بۆ دەستپێكردنی ئەو حەوت هەزار یەكەی نیشتەجێبوونە".

گەرمیانی گوتیشی:  لەهەولێرو سلێمانی چەند پڕۆژەیەكی نیشتەجێبوونی مامۆستایان هەیە، بۆنموونە "لە سلێمانی پڕۆژەیەك هەیە هەزار و950 شوقە بۆ مامۆستایان دروست كراوە و ئێستە لە قۆناغی تەواوبووندایە و بڕیارە بە تیروپشك بەسەر مامۆستایان دابەش بكرێت، لە هەولێریش زیاتر لە هەزار یەكەی نیشتەجێبوون بۆ مامۆستایان دروست كرا و ئێستە مامۆستایان تێیدا نیشتەجێن".

سەرۆكی یەكێتی مامۆستایانی كوردستان ئاشكراشی كرد: بڕیارە لە دهۆك هەزار و500 یەكەی نیشتەجێبوون دروست بكرێ و لە كەلاریش زیاتر لە هەزار یەكەی نیشتەجێبوون دروستكراوە بۆ مامۆستایان،گوتیشی:" كۆمەڵێك رێككەوتنمان لەگەڵ كۆمپانیاكان كردووە بەپێی رێنوێنییەكانی دەستەی وەبەرهێنان و بڕیارە هەزار و 200 شوقە لە نزیكی شەقامی 120 مەتری هەولێر دروست بكرێت، زەویشی بۆ تەرخان كراوە و ژمارەیەك خانووش لە كانی قرژاڵە دروست دەكرێن ،هەروەها كۆمەڵێك شوقەی تر لە شوێنی تر دروست دەكرێن و بە پێی گرێبەستی ئێمە لەگەڵ كۆمپانیاكان جێبەجێ دەكرێت ".

 





ئەم هەواڵە 5305جار خوێندراوەتەوە
 
 
ڤیدیۆ گەلەری
چەند دیمەنێک لە لافاوەکە فەرەنسا
ڤیدیۆیی .. شەقامی خۆت و چانسی خۆت
ڤیدیۆیی .. ساتی کوشتنی تارا فارس
ھەڵۆیەک ھەوڵی رفاندنی منداڵێک دەدات
چەند دیمەنێکی سامناکی زریان و گەردەلوولەکەی ئەمریکا
 
 

پێناسە | گەلەری | ئەرشیف | پەیوەندی

پێبژاردنی پۆلیسی هاتووچۆ هەولێر | دهۆک | سلێمانی

هەموو مافەکان پارێزراون بۆ ئاژانسی هەواڵی زاگرۆس

Developed By: Omed Sherzad