English | عربی | Kurdî دواهەواڵ
ڕاستەوخۆ  
 
ترەمپ: بەم زووانە چارەنووسی دیارنەمانی خاشقچی ئاشكرا دەكرێن
2018-10-17 [06:36 AM]

ZNA - هەولێر


سەرۆكی ئەمەریكا رایگەیاند، سعوودییه‌ لێكۆڵینه‌وه‌كانی له‌ دۆسیه‌ی خاشقچی فراوانتر ده‌كات و به‌م زووانه‌ش ئه‌نجامه‌كان ئاشكرا ده‌كرێن.

دۆناڵد ترەمپی سەرۆکی ئەمەریکا رایگەیاند، لە پەیوەندییەکی تەلەفۆنی شازادەی جێنشینی سعوودیە، سووربوونی خۆی بۆ لێکۆڵینەوە لە دۆسیه‌ی دیارنه‌مانی رۆژنامەنووس جەمال خاشقچی دووپاتکردووه‌تەوە.

ترەمپ ئاماژەی بۆ ئەوەشکردووە، شازادەی جێنشینی سعوودیە محه‌مەد بن سەلمان رەتیکردووەتەوە كه‌ هیچ زانیارییەکی هەبێت له‌ رووداوەکەی کونسوڵخانەکەیان لە تورکیا.

سەرۆکی ئەمەریکا ده‌شڵێت، کە محەمەد بن سەلمان پێی راگەیاندووە، لێکۆڵینەوەیەکی چڕوپڕ و فراوانیان دەستپێکردووە بۆ لێکۆڵینەوە لە دۆسیه‌ی دیارنه‌مانی رۆژنامەنووسەکە و دەرەنجامەکان بەو زووانە ئاشکرا دەکرێن.

لەوبارەوە بەرپرسێکی باڵای تورکیا بە ئاژانسی ئاسۆشییەتد پرێسی راگەیاندووە، لە کاتی لێکۆڵینەوەکان لە کونسوڵخانەی سعوودیە لە ئیستانبوڵ پۆلیس بەڵگەی دەستکەوتووە کە کوژرانی جەمال خاشقچی دەسەلمێنێت.

ئەم ھەواڵە لەکاتێکدایە کە محەممەد ئەلعوتەیبی کونسوڵی سعودیە لە ئیستانبوڵ لەرێگەی فرۆکەوە گەراوەتەوە سعودیە.

له‌ رۆژی 2ی ئۆكتۆبه‌ره‌وه‌، جه‌مال خاشقچی ڕۆژنامەنووس لە واشنتۆن پۆست و رۆژنامەی وەتەن، له‌ كاتی چوونی بۆ ناو باڵه‌خانه‌ی كونسوڵخانه‌ی سعوودیه‌ له‌ ئیستانبوڵ، بێسه‌روشوێن بووه‌ و تا ئێستاش هیچ كه‌سێك هه‌واڵی له‌ باره‌ی ئه‌و رۆژنامەنووسە نازانێت.

 





ئەم هەواڵە 6025جار خوێندراوەتەوە
 
 
ڤیدیۆ گەلەری
بەدڵنایی دوو جار سەیری دەکەیەوە ، منداڵێکی زۆر قشە
چەند دیمەنێکی لافاوی شاری شیراز لە ئێران
لە رووداوێکی ھاتووچۆ ئۆتۆمبێلێک دەفڕێت
منداڵێک لە ناو ئۆتۆمبێلی دایکی دەکەوێتە خوارەوە
ڤیدیۆیی .... بە ئاگر و شمشێر قژی ئافرەتان رێکدەخات
 
 

پێناسە | گەلەری | ئەرشیف | پەیوەندی

پێبژاردنی پۆلیسی هاتووچۆ هەولێر | دهۆک | سلێمانی

هەموو مافەکان پارێزراون بۆ ئاژانسی هەواڵی زاگرۆس

Developed By: Omed Sherzad