English | عربی | Kurdî دواهەواڵ
ڕاستەوخۆ  
 
ئەو بەرپرسەی عەبادی لەپۆستەكەی دووری خستەوە گەڕایەوە شوێنەكەی خۆی
2018-10-17 [07:44 AM]

ZNA - هەولێر


پێشتر به‌ بڕیارێكی حه‌یده‌ر عه‌بادی سه‌رۆك وه‌زیرانی كاربه‌ڕێكه‌ری عێراق، فالح فەیاز له‌ پۆستی سه‌رۆكی دەزگای ئاسایشی نیشتمانی لادرابوو، ئێستا ئەو بڕیارە هەڵوەشایەوە لەجێگای خۆی دەست بەكاربوەوە.

مەنسوور مەرعید، پەرلەمانتاری كوتلەى عەتا رایگەیاند، فالح فەیاز لە كارەكەی وەك دەزگای ئاسایشی نیشتمانی دەست بەكاربووەوە، ئەمەش دوای بڕیاری دادگای كارگێری عێراقی دێت، بە رەتكردنەوەی بڕیارەكەی حەیدەر عەبادی سەرۆك وەزیرانی كاربەڕێكەر بۆ دوورخستنەوەی فەیاز لە پۆستەكه‌ی.

كۆتایی مانگی ئابی رابردوو، بەھۆی ئەوەی فەیاز، پشتی لە ھاوپەیمانێتی نەسر كرد، عەبادی ھەرسێ پۆستی، راوێژكاری ئاسایشی نیشتمانی، سەرۆكی دەزگای ئاسایشی نیشتمانی و سەرۆكی دەستەی حەشدی شەعبی دوورخستەوە.

فالح فه‌یاز، سه‌رۆكی كوتله‌ی عه‌تایه‌ و پێشتر له‌ چوار چێوه‌ی هاوپه‌یمانی نه‌سری عه‌بادی، به‌شداری له‌ هه‌ڵبژاردنی 12ی ئایاری رابردوودا كرد، له‌ ماوه‌ی رابردووشدا به‌هۆی ناكۆكییه‌كانییان له‌گه‌ڵ عه‌بادی، له‌ هاوپه‌یمانێتییه‌كه‌ هاته‌ ده‌ره‌وه‌ و نزیكه‌ی 12 ئه‌ندامی هاوپه‌یمانێتییه‌كه‌شی له‌گه‌ڵ خۆی برد.

 





ئەم هەواڵە 5068جار خوێندراوەتەوە
 
 
ڤیدیۆ گەلەری
چەند دیمەنێک لە لافاوەکە فەرەنسا
ڤیدیۆیی .. شەقامی خۆت و چانسی خۆت
ڤیدیۆیی .. ساتی کوشتنی تارا فارس
ھەڵۆیەک ھەوڵی رفاندنی منداڵێک دەدات
چەند دیمەنێکی سامناکی زریان و گەردەلوولەکەی ئەمریکا
 
 

پێناسە | گەلەری | ئەرشیف | پەیوەندی

پێبژاردنی پۆلیسی هاتووچۆ هەولێر | دهۆک | سلێمانی

هەموو مافەکان پارێزراون بۆ ئاژانسی هەواڵی زاگرۆس

Developed By: Omed Sherzad