English | عربی | Kurdî دواهەواڵ
ڕاستەوخۆ  
 
مه‌سروور بارزانی: تێڕوانینه‌كانی بێشكچی جێگەی پێزانینی ئازادیخوازانه‌
2018-10-17 [10:03 AM]

ZNA- هه‌ولێر


مه‌سروور بارزانی، راوێژكاری ئه‌نجوومه‌نی ئاسایشی هه‌رێمی كوردستان، ستایشی رۆڵ و هه‌ڵوێسته‌كانی ئیسماعیل بێشكچی، نووسه‌ر و رووناكبیری دیاری تورك ده‌كات، كه‌ به‌رامبه‌ر به‌ گه‌لی كوردستان هه‌یه‌تی.

مه‌سروور بارزانی راوێژكاری ئه‌نجوومه‌نی ئاسایشی هه‌رێمی كوردستان، ئه‌مڕۆ چوارشه‌ممه‌، 17ی تشرینی یه‌كه‌م/ ئۆكتۆبه‌ری 2018، پێشوازی لە ئیسماعیل بێشكچی، دۆستی گەلی كورد و رووناكبیر و مێژوونووسی دیاری تورك كرد.

لە دیدارەكەدا مه‌سروور بارزانی سوپاسی هەڵوێستەكانی ئیسماعیل بێشكچی كرد، كه‌ به‌رامبه‌ر دۆزی رەوای گەلی كوردستان هه‌یه‌تی و پێزانینی خۆشی بۆ هەوڵ و چالاكی و نووسینەكانی ده‌ربڕی و رایگەیاند بۆچوون و تێڕوانینەكانی بێشكچی لەبارەی گەلی كوردستان جێگەی پێزانینی نیشتمانپه‌روه‌ران و ئازادیخوازانه‌.

له‌لای خۆیه‌وه‌ ئیسماعیل بێشكچی ئاماژه‌ی به‌و پێشكه‌وتن‌ و ئارامییه‌‌ دا، كه‌ له‌ هه‌رێمی كوردستان هه‌یه‌ و رایگه‌یاند، دۆزی ره‌وای كورد قۆناغی باشی بڕیووه‌ و پێویسته‌ كۆمه‌ڵگه‌ی نێوده‌وڵه‌تی په‌یامی گه‌لی كوردستان له‌به‌رچاو بگرێت، كه‌ له‌ پرۆسه‌یه‌كی دیموكراتیدا ئاشكرای كرد، هه‌روه‌ها گوتی: به‌ چاره‌سه‌ركردنی دۆزی كورد ناوچه‌كه‌ سه‌قامگیری و گه‌شه‌ی زیاتر به‌خۆیه‌وه‌ ده‌بینێت و له‌ به‌رژه‌وه‌ندی هه‌مووانیش ده‌بێت.

ئیسماعیل بێشكچی، یه‌كێكه‌ له‌و رووناكبیره‌ دیارانه‌ی تورك، كه‌ به‌ ئاشكرا هه‌ڵوێستی خۆی له‌ باره‌ی كێشه‌ی گه‌لی كورد ده‌ربڕیوه‌ و به‌رده‌وامیش رایگه‌یاندووه‌، كه‌ پێویسته‌ كێشه‌ی گه‌لی كورد له‌ رێگه‌ی ئاشتییانه‌ له‌ ناوچه‌كه‌ چاره‌سه‌ر بكرێت.

دیداری نێوان مه‌سروور بارزانی، راوێژكاری ئه‌نجوومه‌نی ئاسایشی هه‌رێمی كوردستان و و ئیسماعیل بێشكچی، رۆشنبیری دیاری تورك

 

 





ئەم هەواڵە 3703جار خوێندراوەتەوە
 
 
ڤیدیۆ گەلەری
چەند دیمەنێک لە لافاوەکە فەرەنسا
ڤیدیۆیی .. شەقامی خۆت و چانسی خۆت
ڤیدیۆیی .. ساتی کوشتنی تارا فارس
ھەڵۆیەک ھەوڵی رفاندنی منداڵێک دەدات
چەند دیمەنێکی سامناکی زریان و گەردەلوولەکەی ئەمریکا
 
 

پێناسە | گەلەری | ئەرشیف | پەیوەندی

پێبژاردنی پۆلیسی هاتووچۆ هەولێر | دهۆک | سلێمانی

هەموو مافەکان پارێزراون بۆ ئاژانسی هەواڵی زاگرۆس

Developed By: Omed Sherzad