English | عربی | Kurdî دواهەواڵ
ڕاستەوخۆ  
 
گرووپێکی دزین و به‌ قاچاخبردنی نه‌وت ده‌ستگیرکرا
2018-10-18 [04:18 AM]

ZNA - هه‌ولێر


 

ئه‌نجوومه‌نی ئاسایشی هه‌رێمی کوردستان له‌ راگه‌یه‌نراوێكدا ئاشكرای كرد، له‌ ئۆپه‌راسیۆنێکی ده‌زگا ئه‌منییه‌کان و به‌ڕێوه‌به‌رایه‌تی ئاسایشی گشتی، گرووپێکی دزین و به‌ قاچاخبردنی نه‌وت ده‌ستگیرکرا، که‌ پێکهاتووه له‌ چوار هاوڵاتی و دوو کارمه‌ندی ئاسایش، وتیشی، ده‌ستگیرکراوان به‌پێی رێوشوێنه‌ یاساییه‌کان مامه‌ڵه‌یان له‌گه‌ڵدا ده‌کرێت.

ئه‌مه‌ش دەقی راگەیێندراوی ئه‌نجوومه‌نی ئاسایشی هه‌رێمی کوردستانه‌:

له‌چوارچێوه‌ی هه‌ڵمه‌ته‌کانی جێبه‌جێکردنی یاسا، بۆ به‌ره‌نگاربوونه‌وه‌ی گه‌نده‌ڵی و نه‌هێشتنی ده‌ستێوه‌ردان له‌ موڵکی گشتی. به‌پێی بڕیاری دادوه‌ر، له‌ ئۆپه‌راسیۆنێکی ده‌زگا ئه‌منییه‌کان و به‌ڕێوه‌به‌رایه‌تی ئاسایشی گشتی، گرووپێکی دزین و به‌ قاچاخبردنی نه‌وت ده‌ستگیرکرا، که‌ پێکهاتووه له‌ چوار هاوڵاتی و دوو کارمه‌ندی ئاسایش.

ده‌ستگیرکراوان به‌پێی رێوشوێنه‌ یاساییه‌کان مامه‌ڵه‌یان له‌گه‌ڵدا ده‌کرێت و دوای ته‌واوبوونی لێکۆڵینه‌وه‌کانیش، له‌لایه‌ن دادگاوه‌ دۆسیه‌کانیان یه‌کلاده‌کرێته‌وه‌.

ئێمه له‌ ئه‌نجوومه‌نی ئاسایشی هه‌رێمی کوردستان، هه‌موو لایه‌ک دڵنیاده‌که‌ینه‌وه، له‌پێناو سه‌روه‌ری یاسا، ئه‌رک و شه‌ونخوونی ده‌زگاکانمان به‌رده‌وام ده‌بێت  و رێگه‌ناده‌ین ده‌ستدرێژی بکرێته‌ سه‌ر موڵک و ماڵی گشتی و هاووڵاتییان، هه‌ر که‌س و لایه‌نێکیش یاساشکێنی بکات، رووبه‌ڕووی دادگا ده‌کرێته‌وه‌ و سزای یاسایی خۆی وه‌رده‌گرێت.

پێویسته ده‌زگا ئه‌منییه‌کان له‌ پارێزگا و ناوچه‌ جیاجیاکانی دیکه‌ی هه‌رێمی کوردستان‌، جێبه‌جێکاری یاسابن و به‌هه‌مانشێوه‌ مامه‌ڵه‌ له‌گه‌ڵ رێگر و یاساشکێنه‌کان بکه‌ن و داڵده‌ی قاچاخچی و گه‌نده‌ڵکاران نه‌درێت.

ئه‌نجوومه‌نی ئاسایشی هه‌رێمی کوردستان 

18ی ئۆکتۆبه‌ری 2018





ئەم هەواڵە 5023جار خوێندراوەتەوە
 
 
ڤیدیۆ گەلەری
چەند دیمەنێک لە لافاوەکە فەرەنسا
ڤیدیۆیی .. شەقامی خۆت و چانسی خۆت
ڤیدیۆیی .. ساتی کوشتنی تارا فارس
ھەڵۆیەک ھەوڵی رفاندنی منداڵێک دەدات
چەند دیمەنێکی سامناکی زریان و گەردەلوولەکەی ئەمریکا
 
 

پێناسە | گەلەری | ئەرشیف | پەیوەندی

پێبژاردنی پۆلیسی هاتووچۆ هەولێر | دهۆک | سلێمانی

هەموو مافەکان پارێزراون بۆ ئاژانسی هەواڵی زاگرۆس

Developed By: Omed Sherzad