English | عربی | Kurdî دواهەواڵ
ڕاستەوخۆ  
 
ئەمەریكا هەڕەشە لە روسیا و چین دەكات
2018-10-21 [05:32 AM]

ZNA - هەولێر


دوێنێ شەممە سەرۆکی ئەمەریکا دۆناڵد ترەمپ رایگەیاند، ئەمەریکا لە رێککەوتنی دووری- مامناوەندی هێزە ئەتۆمییەکان (ئای ئێن ئێف) کە لە سەردەمی جەنگی سارد راگەیەندرا دەکشێتەوە، لەکاتیکدا ئامانج  لەو رێککەوتنە سنووردارکردنی بەکارهێنانی هەندێک جۆری مووشەکی ئەتۆمی بوو.

ئاژانسی رۆیتەرزبڵاوی كردەوە، ترەمپ لە کۆبوونەوەیەکی جەماوەریی لە ویلایەتی نیڤادا رایگەیاندووە: "روسیا بەداخەوە  رێزی لە رێککەوتنامەکە نەگرتووە، بۆیە ئێمە کۆتای پێدەهێنین و دێینە دەرەوە".

واشنتن بڕوای وایە  مۆسکۆ سیستەمێکی مووشەکی زەمینی جێگیرکردووە کە هەر کاتێک بیەوێت دەتوانێت بە چەکی ئەتۆمی  و لەماوەیەکی کەمدا هێرشبکاتە سەر ئەوروپا  بەڵام روسیا ئەو هەواڵە رەتدەکاتەوە.

ترەمپ هۆشداری داوەتە رووسیا و چین، ئەگەربێت و دەست لە گەشەدان بە چەکەکانیان هەڵنەگرن، ئەوا ئەمەریکاش ئەو پرۆسەیە دەستپێدەکاتەوە.

لە ساڵی 1987، ئەمەریکا و یەکێتی سۆڤییەتی جاران رێککەوتنێکیان بۆ لادانی مووشەکە دووری- مامناوەندەکان واژووکرد، بەڵام ئێستا ترەمپ پێیوایە، مۆسکۆ ئەو جۆرە مووشەکەی دژی ئەوروپا لە سنوورەکانی جێگیرکردووە و دەیەوێت پەیماننامەکە هەڵبوەشێنێتەوە.

 





ئەم هەواڵە 7699جار خوێندراوەتەوە
 
 
ڤیدیۆ گەلەری
بەدڵنایی دوو جار سەیری دەکەیەوە ، منداڵێکی زۆر قشە
چەند دیمەنێکی لافاوی شاری شیراز لە ئێران
لە رووداوێکی ھاتووچۆ ئۆتۆمبێلێک دەفڕێت
منداڵێک لە ناو ئۆتۆمبێلی دایکی دەکەوێتە خوارەوە
ڤیدیۆیی .... بە ئاگر و شمشێر قژی ئافرەتان رێکدەخات
 
 

پێناسە | گەلەری | ئەرشیف | پەیوەندی

پێبژاردنی پۆلیسی هاتووچۆ هەولێر | دهۆک | سلێمانی

هەموو مافەکان پارێزراون بۆ ئاژانسی هەواڵی زاگرۆس

Developed By: Omed Sherzad