English | عربی | Kurdî دواهەواڵ
ڕاستەوخۆ  
 
بسەرۆکاتیا نێچیرڤان بارزانی ، حکومەتا زۆرینە ، دێ پڕ خزمەزنترین حکومەت بیت
2018-10-21 [03:59 AM]

نڤیسینا : غیاس خالد زێباری


پشتی سەرھەلدانا پیرۆزا خەلکێ کوردستانێ ل سالا ١٩٩١ و پاشان پێک ئانینا حکومەتا ھەرێما کوردستانێ ل سالا ١٩٩٢ ھەتا نھو ھەشت کابینێن حکومەتێ ھاتینە پێک ئینان ، لێ د ھەمی ھەلبژاردنان چ پارتیێن سیاسی زۆرینەیا دەنگان ب دەست نەئینایە بۆ پێک ئینانا حکومەتەکا زۆرینە ، دڤان بیست و حەفت سالان دا ھەمی شێوازێن پێک ئینانا حکومەتا ھاتنە تاقیکرن (٥٠/٥٠ ) -  دوو سێ لایەن – ھەبوونا کەسێن تەکنوقرات و بنگەە فراوان ، ھەرچەندە ھندەک ژوان بتایبەت یێن ب سەرۆکاتیا رێزدار نێچیرڤان بارزانی خزمەتێن زۆر ژلایێ ئاڤەدانی و گەشەبوونا ئابووری و ..ھتد گەھاندینە لێ وەکی پێتڤی نە لدیف حەزا خەلکی بوونە نەژی حکومەتێ ، چونکی ژبەر ململانێ و موزایدێن سیاسی حکومەتێ نەشیایە وەکی پێتڤی پرۆژە و بەرنامێن خۆ بجە بئینیت ، ھەر وەکی دووماھی پێکھاتا حکومەتا ھەرێما کوردستانێ ب سەرۆکاتیا نێچیرڤان بارزانی ، زۆر پرۆژە و به‌رنامێن وی نەھاتنە بجە ئینان ، ژلایەکێ لایەنێ، دیتر یێن سیاسی یێن پشکداری حکومەتێ ھاریکار نەبوون و ھندەک جاران د بوونە ئۆپۆزسیۆنێن وێرانکەر و ھەولێن تێکدانا ڕەوشا ئاراما ھەرێما کوردستانێ ددان و ھندەک جاران ژی دژی پرۆژێن چاکسازیێ بوون ، تا گەھشتیە وی رادەی خیانەتا نشتیمانی بکەن و دەستا دناڤ دەستێن داگیرکەرا بنێن بۆ ژناڤبرنا پێگەھێ ھەرێما کوردستانێ ، ئەز باوەرم ئەگەر حزبێن پشکدارێن حکومەتێ دگەل سەرۆکێ جڤاتا وەزیران دھاریکار بان و ب ئێک تیم حکومەت رێڤەبر با نە قەیرانا ئابووری پەیدا دبوو نەژی پلان و پرۆژە نیڤەروو دمان ، پێگەھێ ھەرێمێ یێ سیاسی و ئابووری و جڤاکی دا بەرەڤ پێشڤەچوونێن بەرچاڤ چیت . 

ئەڤ نیشانێن کۆ حکومەتێن بنگەە فراوان ل ھەرێما کوردستانێ نەشێن لدیف حەزا خەلکی خزمەتا ئاراستە بکەن و بەرنامێن حکومەتێ وەک پێتڤی ناھێتە بجە ئینانا ، ئەگەرێ وێژی ململانێن دناڤبەرا حزبان دایە و ھەر ئێک تەپێ دھاڤێتە بەر یێ دی و دکەڤنە موزایدێن سیاسی .

ئەز باوەرم حکومەتا داھاتی ژی ئەگەر لسەر بنەمایێن ھەشت کابینێ، بەرێ بیت ، نەشێن پرۆژە و بەرنامێ، خۆ بجە بئینیت و لدیف حەزا خەلکی نابن .

جھێ دلخوشیێ یە لدیڤ ئەنجامێن سەرەتایی یێن ھەلبژاردنێن ٣٠ ئیلوونا ٢٠١٨  پارتی دیموکراتی کوردستان نێزیکی زۆرینەیا کورسیێن پەرلەمانێ کوردستانێ بوویە ، ئەڤەژی ھاریکارەکێ زۆرە پارتی ب تنێ یان ب ھەڤپەیمانیێ دگەل پارتیە خودان کێم کورسی حکومەتەکا زۆرینە پێک بینیت .

راستە ڕەوشا سیاسی یا ھەرێما کوردستانێ و تا رادەیه‌کێ ئاستێ ھشیاریا خەلکی و حزبێن کوردستانی ژی حکومەتەکا بنگەە فراوان یان نیڤ بنگەە فراوان دخازیت ، لێ ب دیتنا من حکومەتا بڤی رەنگی ژی لدیڤ حەزا پرانیا خەلکی نابیت و ململانێ و موزایدێن سیاسی دێ رێگر بیت لھەمبەر بجەھاتنا پرۆژە و بەرنامێن حکومەتێ و دبیت حزبێن ئۆپۆزسیۆن ژی ب شێوازیێ ئۆپۆزیۆنەکا شارستانی سەرەدەریێ نەکەن و خەلکی ھان بدەن ڕەوشا ھەرێمێ تێک بدەن ، بۆ پاراستنا بەرژەوەندێن خۆ چ یێن حزبی یان کەسایەتیێن سەرکردێن وان حزبا . 

لێ دڤان کاودانان دا بتایبەت پشتی قەیرانێن ئابووری خەلکێ کوردستانێ زێدەتر گرنگیێ ددەتە خۆشکرنا رەوشا ئابووری و ئاڤەدانیێ و ئێمناھیێ , ئەڤ چەندەژی ب پارتی دیموکراتی کوردستان درۆست دبیت کۆ سەرکەفتیا ئێکێ یە ل ھەلبژاردنا و دشێت حکومەتەکا زۆرینە پێک بینیت و کوردستانێ بھێزتر بکەت ل ھەمی لایان ڤە و پێتڤی یە پارتی ژی دووبارە رێزدار نێچیرڤان بارزانی بۆ پێک ئینانا حکومەتا نوو دەست نیشان بکەت ، چونکی ژبلی جەنابێ وی کەسایەتیەکێ خۆدان ئەزمۆنە ، لسەر ئاستێ ھەرێمی و نیڤ دەولەتی ب کاریزما و فاکتەرێ چارەکرنا قەیرانا و ئاڤەدانیێ و دبلۆماسیەکا ھەڤسەنگ ھاتیە ناسین ، ھەلگرێ پرۆژێن بەرفرەھە ژلایێ چاکسازی و ئابووی و کارگێری و  جڤاکی و رەوشنبیری و دارایی و لدەمەکێ زوو پرۆژێن جەنابێ وی یێن ڤان کەرتان دێ بجە ھێن و خەلک ژی دێ پشتەڤانەکێ بھێز بیت و رێکێ نادەتە حزبێن دەرڤەی حکومەتێ یان ئۆپۆزسۆن رێگریێ بکەن یان ڕەوشێ ئاڵوز بکەن . 

ژلایێ پەیوەندیێن دگەل عێراقێ ژی ، ئاسۆیێن گەشتر دێ ڤەبن ، چونکی کوردا چەند پێتڤی ب پەیوەندیێن دگەل وان ھەبیت لدەمێن داھاتی وان زێدەتر دێ پێتڤی ب حکومەتا ھەرێما کوردستان ھەبیت .

لسەر ئاستێ پەیوەندیێن نیڤ دەولەتی ژی درێژی دێ ب وان پەیوەندیا ھێتەدا ھێتە دان ئەوێن لسەر دەستێ جەنابێ سەرۆک مەسعود بارزانی ھاتینە دارشتن و گەشە پێ ھێتە دان ، بڤی رەنگی ھەم خەلکێ کوردستانێ دێ مفادار و بەختەوەر بیت و بەرەڤ پاشەرۆژەکا گەشتر چیت بۆ چەسپاندنا مافێن نەتەوی و نشتیمانی و ھاولاتیبوونێ ، ھەم ژی پارتی دێ مفادار بیت بۆ راکێشانا پشتەڤانیا زێدەترا خەلکێ کوردستانێ بۆ ھەلبژاردنێن داھاتی و پراکتیزەکرنا درۆشم و بەرنامێ خۆ یێ ئاڤاکرنا کوردستانەکا بھێز و  سەنگا پارتی ژی لسەر ئاستێ نیڤ دەولەتی و ھەرێمایەتێ دێ بھێزتر بیت . 

گرنگە ڤێ جارێ پارتی ڤێ بریارا ئێکلاکەر بدەت بۆ تاقیکرنا ئەزمۆنا حکومەتا زۆرینە .





ئەم هەواڵە 1447جار خوێندراوەتەوە
 
 
ڤیدیۆ گەلەری
باران بارین و لافاوی شاری دوبەی
شێرەکانیش یاری تۆپی پێ دەکەن
رووداوێكی سەیر پڵنگێك راوی سەگێك لەبەردەم دەرگای ماڵێك دەكات
ئاسكێك ده‌چێته‌ ناو سه‌رتاشخانه‌یه‌ك، ترس دروست ده‌كات
پشیله‌یه‌ك چۆن رێگری له‌ مارێك ده‌كات هه‌ڵبێت
 
 

پێناسە | گەلەری | ئەرشیف | پەیوەندی

پێبژاردنی پۆلیسی هاتووچۆ هەولێر | دهۆک | سلێمانی

هەموو مافەکان پارێزراون بۆ ئاژانسی هەواڵی زاگرۆس

Developed By: Omed Sherzad